Ауыл хәбәрҙәре

Быйылғы Ғаилә йылында татыу, дуҫ урам - Урман урамы ата-әсәләре, олатай-өләсәйҙәре онотолоп барған эйенселәү йолаһын тергеҙҙе.

Эйенселәү - башҡорт халҡының бик борондан килгән йолаһы. Элегерәк тәм-том булмағанда, ата- бабаларыбыҙ әйенселәгәндә балаларға бутҡа бешереп ашатҡан, сөнки бутҡа иң тәмле ризыҡ, саҙаҡа булған, ә татлы кәнфиттәр ул ваҡытта булмаған. Ураҙа ғәйете байрамы көнөндә балалар тоҡсай тотоп өйҙән-өйгә йөрөп әйенселәгән. Өй һайын ололар уларҙың тоҡсайҙарына тәм-том, ризыҡ һалып сығарған.

Урман урамының шат балалары өйҙән-өйгә йөрөп әйселәп, өй хужаларына үҙҙәренең эскерһеҙ рәхмәттәрен әйтеп йөрөүе — үҙе бер күркәм күренеш. Был үҙе үк тыныс тормош билдәһе, был үҙе үк бәрәкәтле тормош күрһәткесе, был үҙе үк рухи сәләмәтлек өлгөһө.

Фото: https://vk.com/makar.school