Илһөйәрлек өлгөһө

Әлеге мәлдә Маҡар мәктәбендә шәм яһау, маскировка селтәрен үреү эштәре
бара. Был сара белем биреү учреждениеһы директоры Гөлнара Хисмәтуллина
башланғысы менән ойошторолдо. Гуманитар ярҙам әҙерләүгә уҡытыусылар,
мәктәптең башҡа хеҙмәткәрҙәре, ауыл халҡы ихлас ҡушылды.
- Беҙҙең класс ҡыҙҙары һәм егеттәре һөйләшеп, йыйылышып селтәр үреүҙә
әҙ генә булһа ла үҙ өлөшөбөҙҙө индерҙек. Бер ҡарауға еңел күренһә лә, һәр
эштең үҙ мәшәҡәте, рәте, яйы бар, - тип ихлас уртаҡлашты Гүзәлиә Абдуллина. -
Үткәндәрҙе иҫкә алып, уҡыған саҡтарҙы хәтерләп, һөйләшеп эшләгәс, эшебеҙ ҙә
ыңғай ғына барҙы. Барыбыҙҙың дә бер теләк: ерҙә тыныслыҡ булһын, әсәләрҙең
күҙ йәше түгелмәһен, балалар атайһыҙ үҫмәһен...
Шулай уҡ Маҡар ауылының мәҙәниәт йортонда махсус хәрби операциялағы
егеттәр өсөн окоп шәмдәре әҙерләнә. Ауыл халҡы был эштә лә ҡулынан килгәнсә
ярҙам күрһәтә.