+24 °С
Ямғыр
Йәмғиәт
6 Декабрь 2023, 11:00
Хәүефһеҙлек техниканың төҙөклөгөнән тора
Башҡортостан Республикаһы Дәүләт техника күҙәтеүе инспекцияһының 2023 йылдың 1 декабрендәге И01-175-се фарманына ярашлы, һаҡланған законлы ҡиммәттәргә – үҙйөрөшлө машиналарҙы һәм уларға тағылмаларҙы, шул иҫәптән юлһыҙ ерҙән үтә торған мототехниканы, ҡаргиҙгестәрҙе һәм ҡарҙан таҙартыу техникаһын файҙаланыу өлкәһендә граждандарҙың ғүмеренә, һаулығына, уларҙың мөлкәтенә һәм тирә-яҡ мөхиткә зыян килеүҙе иҫкәртеү маҡсатында 4 декабрҙән 15-енә тиклем «Юлһыҙ ерҙән йөрөй торған машина» тигән шартлы исем аҫтында сара үтә.
Хәүефһеҙлек техниканың төҙөклөгөнән тора
Был профилактикалау акцияһын Ишембай районы муниципаль районы һәм ҡала биләмәһе буйынса Дәүләт техник күҙәтеүе инспекцияһы БР Урман хужалығы министрлығы вәкилдәре, Башҡортостан буйынса Эске Эштәр министрлығы ЮХХДИ идаралығының инженер-инспекторҙары менән берлектә ойоштора.
Район-ҡала дәүләт техник күҙәтеү инспекцияһы секторы мөдире Ғәлим Ғәлин белдереүенсә, күҙәтелергә тейеш техниканы файҙаланғанда ҡуйылған талаптарҙың үтәлеүен тикшереү һәм хәүефһеҙлекте тәьмин итеү сиктәрендә урындарҙа профилактик консультациялар үтәсәк.
Бынан тыш, сара барышында үҙйөрөшлө машиналарҙың һәм уларға тағылмаларҙың төҙөклөгө тикшереләсәк, шул уҡ ваҡытта теркәү үтмәгән техниканы асыҡлау күҙ уңында тотола.
