Осрашыу тулҡынландырғыс булды

Тәрбиә эштәре буйынса директор кәңәшсеһе Наилә Авезова 9-сы һәм 11-се класс уҡыусылары менән “Мөһим нәмә тураһында һөйләшеүҙәр” циклынан класс сәғәте үткәрҙе. Сарала «Бала саҡ навигаторҙары» Бөтә Рәсәй проектының муниципаль координаторы Мария Морозова ла ҡатнашты.

Дәрес илебеҙҙең технологик киләсәгенә арналды, уның сиктәрендә балалар технологик суверенитет һәм һанлы иҡтисад тураһында мәғлүмәт алды. Мәктәп уҡыусылары менән осрашыуға махсус хәрби операцияла ҡатнашыусы ла килде. Балалар менән һөйләшеү дәрестәр ваҡытында булды.

«Диксон» ҡушаматлы яҡташыбыҙ контракт буйынса хеҙмәт иткән, хәҙер ул махсус хәрби операция зонаһы ветерандарының йәмәғәт ойошмаһына ҡушылған. Башҡа активистар менән бергә хәрбиҙәргә ярҙам итә. Ул балаларға технологик яңылыҡтарҙың мөһимлеге тураһында һөйләне, үҫмерҙәрҙең һорауҙарына яуап бирҙе.

- Тәү сиратта ирекмәндәр хәрәкәте ойошторолдо. Ауыл кешеһе айырыуса ярҙамға мохтаж. Күп кенә атайҙар һәм әсәйҙәр яуҙа булған улдарының ярҙамынан мәхрүм ҡалды. Уларға булышлыҡ итергә тырышабыҙ. Шулай уҡ хәҙер һыуыҡтар башланды, махсус хәрби операция зонаһында утын табып булмай. Ә мейескә ике шәм ҡуйһаң, ул йылыта һәм төтөнө лә сыҡмай, - тип һөйләне “Махсус хәрби операция зонаһы ветерандары” йәмәғәт ойошмаһы етәксеһе.

18-се мәктәп уҡыусылары ла алғы һыҙыҡтағы яугирҙарҙы онотмай, окоп шәмдәре эшләй. Махсус хәрби операция зонаһына 150-нән ашыу шундай шәм ебәрелгән. Ҡышҡа яҡынлашабыҙ һәм яу яланында ҡулдан эшләнгән шәмдәр бик кәрәкле.

Осрашыу балалар өсөн тулҡынландырғыс һәм иҫтә ҡалырлыҡ булды. Уҡыусылар аныҡ миҫалда ысын геройҙарҙың беҙҙең менән йәнәшә йәшәүен, унда батырлыҡтың, Ватанға һөйөүҙең һәм үҙ иленең ысын гражданы булыуҙың сифаттарын күрҙе.

Фото мәктәп сайтынан алынды.