Хөрмәтле һаулыҡ һаҡлау хеҙмәткәрҙәре һәм ветерандары!

Һеҙҙе ысын күңелдән һөнәри байрамығыҙ – Медицина хеҙмәткәрҙәре көнө менән ҡотлайым!

Һаулыҡ – төп байлыҡ. Унһыҙ бер кем дә бәхетле һәм тулы тормош менән йәшәй алмай. Шуға ла һеҙҙең хеҙмәтегеҙ һәр ваҡыт кәрәкле һәм хөрмәтле булып ҡала. Ялһыҙ һәм байрамдарһыҙ эшләп һеҙ сабыйҙарға донъяға килергә ярҙам итәһегеҙ, операция өҫтәле артында тораһығыҙ, ауыр сирләүселәрҙе ҡотҡараһығыҙ, кешеләргә ашығыс
ярҙам күрһәтәһегеҙ. Бар булмыштарын һаулыҡ һаҡлау өлкәһенә бағышлап, әлеге көндә хаҡлы ялда булған медицина ветерандарына ла сикһеҙ рәхмәтемде белдерәм.

Барығыҙға ла һөнәри уңыштар, именлек, һаулыҡ, бәхет һәм иртәгәһе көнгә ышаныс теләйем. Йылмайған бәхетле пациенттарҙың йөҙҙәре һеҙҙең өсөн иң ҙур баһа
булһын!

 Азат ИШЕМҒОЛОВ, Ишембай районы муниципаль районы хакимиәте башлығы.

Фотолар редакция архивынан