+24 °С
Ямғыр
Йәмғиәт
22 Февраль 2023, 12:00
Ниндәй үпкәң ҡалды беҙгә, әсәй?..
.
Ниндәй үпкәң ҡалды беҙгә, әсәй?..
Ниндәй үпкәң ҡалды беҙгә, әсәй?
Әллә нисек бөгөн төшкә индең.
Һүҙһеҙ генә миңә ҡарап торҙоң.
Әйтсе серен күҙеңдәге моңдоң?
Бер һыйынғым килде ҡосағыңа,
Бала саҡтағылай йүгереп килеп.
Ҡыҫып-ҡыҫып, тупылдатып һөйөп,
Йылмайырһың кеүек балҡып-көлөп.
Бер туйғансы һөйләшергә, әсәй,
Зар-интизар булып ултырҙың бит.
Һағышыңды беҙгә һиҙҙермәйсә,
Йөрәгеңә генә тултырҙың бит.
Хәҙер үҙем һинең менән, әсәй,
Һөйләшергә зар-интизар булдым.
Был донъяла әсәйҙәрҙең генә
Беҙҙе аңлағанын һуңлап белдем.
Ниндәй генә үпкәң булды икән?
Әллә нисек бөгөн төшкә керҙең.
Донъяныҡы донъялыҡта ҡалһын,
Тиеп миңә әллә һабаҡ бирҙең.
Фото: https://unsplash.com/
