Һуғыш хәрәкәттәрендә ҡатнашыусыларға арнап

Ике чечен кампанияһында беҙҙең ҡала һәм райондан бөтәһе 600-ҙән ашыу йәш Ишембай кешеһе ҡатнашты. Артабан Ишембайҙың эске эштәр бүлеге хеҙмәткәрҙәре Чечен Республикаһы территорияһына күп айлыҡ хәрби командировкаларға юлланды.

- Бөгөн беҙ меңәрләгән Рәсәй яугире алдында баш эйәбеҙ, шул һуғышта һәләк булған 8 Ишембай егетен дә иҫкә алабыҙ. Чечен Республикаһында һәм Афғанстанда хәрби хәрәкәттәрҙә ҡатнашыусыларға локаль һуғыш һәм ҡораллы конфликт инвалидтарына, хәрби бурысын үтәгәндә һәләк булған хәрби хеҙмәткәрҙәр ғаиләләренә күрһәткән ярҙамығыҙ һәм хәстәрлегегеҙ өсөн рәхмәт. Күреүебеҙсә, бөгөн дә һеҙ сафта, хәрби округ зонаһында булған хәрби хеҙмәткәрҙәргә ярҙам итеү буйынса изге бурыстарҙы хәл итеүҙә ярҙам итәһегеҙ, - тине Ишембай районы хакимиәте башлығы Азат Ишемғолов.

Автор фотолары.