Тыныс йоҡла, Артур...

Быға тиклем Артур Баймөхәмәтов 2003-2004 йылдарҙа Төньяҡ Кавказда хәрби хәрәкәттәрҙә ҡатнашҡан була.
11 июлдә ул, махсус хәрби операцияла ҡатнашыу теләген белдереп, килешеү буйынса хеҙмәткә бара.

- Артур бәләкәй сағында ауырыны, шуға уға бер йәш тулғас, ата-әсәһе Үзбәкстандан был яҡҡа күсеп ҡайтты. Ҡустым күҙ алдымда үҫте, үҙ балам һымаҡ булды, - тип күҙ йәштәре аша һөйләй Фәнил Ғәбиҙуллин, Артурҙың әсәһенең бер туған ҡустыһы. - Ваҡытында уны, кәүҙә ауырлығы талаптарға тура килмәй, тип армияға алманылар. Ғәрләнде, ныҡ бошондо. Военкоматҡа үҙемә барып һөйләшергә тура килде. Алдылар, тик Чечняға эләкте. Артурҙың күңеле төшмәне, барыбер барам, хеҙмәт итеү - минең бурыс, тине... Быйыл үҙ теләге менән махсус хәрби операцияла хеҙмәт итергә теләк белдергәс, бер көн, бер төн буйы һөйләштем. Кире уйламаны. Беҙ - хәрби хәрәкәттәр ветерандары алғы һыҙыҡта алышмаһаҡ, ул саҡта нимә була һуң, тине...

Яҡташыбыҙ туғандарының ауыр ҡайғыһын уртаҡлашабыҙ, ғаиләһенә именлек теләйбеҙ.

Автор фотолары.