Яңы йыл һәр йортҡа һаулыҡ, муллыҡ алып килһен!

Тиҙҙән яңы 2022 йылға аяҡ баҫасаҡбыҙ. Тыуған республикабыҙ кеүек муниципаль район өсөн дә 2021 йыл ижади хеҙмәт йылы булды. Күпселек сәнәғәт предприятиелары бер нисә йыл рәттән илдә ҙур һорау менән ҡулланылған производствоны үҫтереп уңышлы эшләп килә. “Алға” махсус иҡтисади зонаһы предприятиелары ла үҙ эшен башланы.

Быйыл тәбиғәт шарттарының насар булыуына  ҡарамаҫтан, райондың аграр тармағы хеҙмәтсәндәре яҡшы уңыш йыйып алды. Ағымдағы йылда мәғариф һәм медицина ойошмаларының матди-техник базаһы нығытылды, спортсылар, мәҙәниәт хеҙмәткәрҙәре, талантлы балаларыбыҙ үҙҙәренең уңыштары менән ҡыуандырҙы.

Ҡала һәм ауыл халҡының көсө, республика етәкселегенең ярҙамы менән социаль объекттарҙы төҙөү һәм капиталь ремонтлау буйынса ҙур эш башҡарылды. Шулай уҡ тораҡ пункттарҙың коммуналь һәм транспорт инфраструктураһын яҡшыртыу өсөн күп миллион капитал һалыуҙар йүнәлтелде. Реконструкцияланған Ленин проспекты тиҫтә йылдар буйы барыбыҙҙы ла шатландырып торасаҡ. Киләсәккә пландарыбыҙ күп. Башҡорт нефтенең 90 йыллығы сиктәрендә мөһим саралар һәм үҙгәрештәр көтөлә. Муниципаль райондың иҡтисадын һәм социаль өлкәһен үҫтереү буйынса алдыбыҙҙа торған етди бурыстарҙы һәр беребеҙҙең ныҡышмалы һәм намыҫлы хеҙмәте менән генә хәл итә аласаҡбыҙ.

Ҡәҙерле дуҫтар!

Яңы йылды яҡын һәм ҡәҙерле кешеләребеҙ менән ҡаршылау ҡабул ителгән. Был сәғәттәрҙә һеҙҙең йортоғоҙ ғаилә усағының йылыһы менән йылынһын, ҡайғы-хәсрәттәр артта ҡалһын.

Муниципаль район халҡын Яңы йыл менән ихлас күңелдән ҡотлайбыҙ! Яңы йыл һеҙгә яҡшы кәйеф, күңел тыныслығы, муллыҡ, һаулыҡ һәм именлек алып килһен! Яңы 2022 йыл менән!

Галина БАКАНОВА, Ишембай районы муниципаль районы Советы рәйесе.

Азат ИШЕМҒОЛОВ, Ишембай районы муниципаль районы хакимиәте башлығы.

Фото асыҡ сығанаҡтарҙан