+24 °С
Ямғыр
Йәмғиәт
30 Декабрь 2021, 13:00
Тыныс үтһен байрамдар!
Яңы йыл төнөндә ҡаланың үҙәгендә фейерверк аттырыу ҡәтғи тыйыла. Аңлашыла, һәр кемдең күңеле сағыу байрам көҫәй, ләкин был төр пиротехник изделияларҙан зыян күреүселәрҙе лә иҫтән сығармайыҡ.
Тыныс үтһен байрамдар!
Ҡала биләмәһе хакимиәте белдереүенсә, Ағиҙел яры буйында фейерверктарҙы хәүефһеҙ файҙаланыу өсөн майҙансыҡ булдырылған. Ул бөтә талаптарға яуап бирә, йәғни кешеләр йөрөгән урындан, тораҡ йорттарҙан, электер үткәргестәренән, ағастарҙан һәм башҡа тиҙ тоҡаныусан объекттарҙан 30 метрлыҡ алыҫлыҡта урынлашҡан.
Административ ҡарарға ярашлы, фейерверк аттырыу 31 декабрҙең 22.00 сәғәтенән 1 ғинуарҙың 22.00 сәғәтенә тиклем ҡаралған. Шулай уҡ был сараға 6 ғинуарҙың 22.00 сәғәтенән башлап бер тәүлек рөхсәт бирелә, йәғни ул 7 ғинуарҙа 22.00 сәғәттә үк туҡтатылырға тейеш.
Тәртип боҙоусоларға ҡаты саралар күреләсәк.
Фото: https://pixabay.com/ru/
