+28 °С
Болотло
Йәмғиәт
2 Июнь 2021, 12:05
Һәр бала тормошта үҙ юлын тапһын
Ишембай районы буйынса Эске эштәр бүлегенең бәлиғ булмағандар эштәре буйынса бүлексәһе коллективы ҙур түгел. Етәксеһе менән бергә ни бары биш хеҙмәткәр эшләй. Бәлиғ булмағандар араһында хоҡуҡ боҙоуҙарҙы профилактикалау, уларҙың хоҡуҡтарын яҡлау, балалар тарафынан тәмәке, алкоголь, наркотиктар ҡулланыу, енәйәттәр кеүек хоҡуҡҡа ҡаршы эштәр ҡылыуҙы булдырмау - подразделениеның төп маҡсаты булып тора.
31 май – РФ Эске эштәр органдарының бәлиғ булмағандар эштәре буйынса подразделениелар хеҙмәткәрҙәре көнө
Ишембай районы буйынса Эске эштәр бүлегенең бәлиғ булмағандар эштәре буйынса бүлексәһе коллективы ҙур түгел. Етәксеһе менән бергә ни бары биш хеҙмәткәр эшләй. Бәлиғ булмағандар араһында хоҡуҡ боҙоуҙарҙы профилактикалау, уларҙың хоҡуҡтарын яҡлау, балалар тарафынан тәмәке, алкоголь, наркотиктар ҡулланыу, енәйәттәр кеүек хоҡуҡҡа ҡаршы эштәр ҡылыуҙы булдырмау - подразделениеның төп маҡсаты булып тора.
Бүлексә начальнигы Зәниф Ҡадиров етәкселегендә өлкән инспектор, полиция майоры Гүзәл Гайсина, инспекторҙар Динә Ғәйнуллина, Әлфиә Йосопова, Әлиә Шәрипова үҙҙәренең ваҡыттары менән иҫәпләшмәй алдарына ҡуйған бурыстарҙы башҡара.
- Район буйынса ҙур эште дүрт инспектор алып бара. Үҙ эшенә яуаплы ҡараған полиция хеҙмәткәрҙәре генә түгел, өйҙәрендә күркәм әсәйҙәр, гүзәл заттар улар. Рәсәй Эске Эштәр министрлығы системаһында бәлиғ булмағандар эштәре буйынса подразделение барлыҡҡа килгән көн уңайынан хеҙмәттәштәремә иң изге теләктәр юллайым. Иң элек районыбыҙ, республикабыҙ биләмәһендә тыныс мөхит булыуын теләйем. Һәм,әлбиттә, үҫеп килгән быуын законды үтәүсе лайыҡлы граждандар булып үҫһендәр һәм тыуған илдәренә киләсәктә файҙа килтерһендәр ине, - тине Зәниф Зәкәриә улы.
Бәлиғ булмағандар эштәре буйынса бүлексәлә эшләүселәрҙең күптәре күп йыллыҡ хеҙмәт тәжрибәһенә эйә. Ул ғына ла түгел һәр ҡайһыһы Эске эштәр органдарында хеҙмәт итеү династияһын дауам итә. Ата-әсәләре, яҡындары араһында үҙҙәрен ошо һөнәргә арнағандар бар, улар хәҙер Рәсәй Эске эштәр министрлығы ветерандары. Эске эштәр министрлығының Ишембай районы буйынса бүлеге начальнигы, полиция подполковнигы Ильяс Рәхмәтуллиндан да был өлкәлә хеҙмәт итеүселәр тураһында тик йылы һүҙҙәр ишеттек.
- Район һәм ҡалала бәлиғ булмаған балалар ошо бәләкәй генә коллективтың күҙ уңында. Уларҙың хеҙмәте бик яуаплы ла, ауыр ҙа тиер инем. Эш тип, ҡайһы саҡта үҙҙәренең ғаиләләре мәнфәғәтен дә ситкә ҡуйып торорға тура килә. Һөнәри байрамдары уңайынан уларға сәләмәтлек теләйем. Эштә кире күренештәр менән һирәгерәк осрашырға булһын, - тине Ильяс Әхәт улы.
Автор фотоһы.
