+28 °С
Болотло
Йәмғиәт
28 Май 2021, 08:42
Ауыл хәбәрҙәре
Маҡар һәм Иҫәкәй ауылдары мәҙәниәт хеҙмәткәрҙәре, китапханасылары һәм музей хеҙмәткәре тағы ла Ҡуҡырауыҡ яғына "эш сәфәренә" сыҡтыҡ. Бер барғанда инде үҙебеҙҙең матур тәбиғәтебеҙгә нығыраҡ һоҡланып, ошоға тиклем барып күрергә яйын тапмаған Көнгөртуй шарлауығын да күреп ҡайтырға насип булды. Бигерәк матур бит беҙҙең тәбиғәтебеҙ! Ошо тиклем хозурлыҡты бысратмай, һаҡлап ҡына киләсәк быуынға тапшырһаҡ икән!
Маҡар һәм Иҫәкәй ауылдары мәҙәниәт хеҙмәткәрҙәре, китапханасылары һәм музей хеҙмәткәре тағы ла Ҡуҡырауыҡ яғына "эш сәфәренә" сыҡтыҡ. Бер барғанда инде үҙебеҙҙең матур тәбиғәтебеҙгә нығыраҡ һоҡланып, ошоға тиклем барып күрергә яйын тапмаған Көнгөртуй шарлауығын да күреп ҡайтырға насип булды. Бигерәк матур бит беҙҙең тәбиғәтебеҙ! Ошо тиклем хозурлыҡты бысратмай, һаҡлап ҡына киләсәк быуынға тапшырһаҡ икән!
Яҙ башынан алып көҙгә тиклем, юлы насар, тип тормай туристар ағыла ғына һәм ҡайҙан ғына килмәйҙәр улар.
Беҙгә лә Өфө яҡтарынан килеүсе уҡыусы балалар тап булды, уларға иҫкәрмә яһап ҡайтыу яғына атланыҡ. Салауат мәмерйәһенә етәрәк ялан ғына урында ял итер өсөн матур ғына ер бар. Тик ул матурлыҡты шул урындағы яһалма сүп һауыты юҡҡа сығарып ултыра. Нимә генә ташламағандар унда: пластик һауыттар, памперс, буш шешәләр, ватыҡ быяла һауыттар... Өҫтәл өҫтөндә иһә пневматик автоматтың (воздушка) пулялар, тишкеләнеп, ватылып бөткән тимер, быяла һауыттар ята ине. Тәбиғәткә сыҡтым, тигәс тә улай ҡырағай булырға ярамай бит. Үҙеңдән һуң килеүселәрҙе лә уйларға кәрәк!
Бына шулай, тәбиғәттең матурлығына бер һоҡланып, бысранғанына бер йән көйөп йөрөп ҡайттыҡ.
Бер уйлап ҡараһаң әллә ниндәй шифаханаларыңа алыштырғыһыҙ бит беҙҙең яҡтар! Урманға сығып күкрәк тултырып тын алһаң, шифалы шишмәләренән уртлап һыу эсһәң, ҡоштар тауышын тыңлаһаң, арыу-ауырыуҙар юҡҡа сығып бөткәндәй. Беҙ - тәбиғәт балалары, беҙ һаҡламаһаҡ - кем һаҡлар!? Яҙмамды фотоһүрәттәр менән тамамлап ҡуям.
Фото: https://vk.com/makarsdk
