+28 °С
Болотло
Йәмғиәт
27 Май 2021, 07:30
"Тәгәрмәсле" дауахана килде
Башҡортостанда өсөнсө йыл рәттән ойошторолған "Сәләмәт республика – сәләмәт төбәк" акцияһы сиктәрендә Өфө медицина учреждениелары белгестәре райондарға сыҡты. 24 майҙан улар беҙҙең районда эш башланы.
Башҡортостанда өсөнсө йыл рәттән ойошторолған "Сәләмәт республика – сәләмәт төбәк" акцияһы сиктәрендә Өфө медицина учреждениелары белгестәре райондарға сыҡты. 24 майҙан улар беҙҙең районда эш башланы.
Иртәгә "Сәләмәтлек поезы" Петровск ауылында халыҡты һуңғы көн ҡабул итә. Артабан "тәгәрмәсле" дауахана 31 майҙан 2 июнгә тиклем – Ҡарайған ауылында, 3-7 июндә – Яңы Әптектә, ә 8-11 июндә Маҡарҙа эшләйәсәк.
- Петросвкийға барып "Сәләмәтлек поезы"ның флюорография һәм маммография кабинеттарын үттем, офтальмологҡа күрендем. Ауыл халҡы мобиль күсмә дауахана эшенән бик ҡәнәғәт, кеше бер туҡтауһыҙ килеп-китеп тора. Был акция халыҡҡа сирҙәрҙе ваҡытында асыҡлау өсөн бик кәрәк. Әлеге эҫелә ҡан баҫымы, йөрәк-тамыр ауырыуҙары менән ыҙаланғандәр күбәйҙе, - тип ихлас уртаҡлашты Әрмет-Рәхим ауылында йәшәүсе Йәмилә Фәхриева. – Һәр белгес айырым автомашинала ҡабул итте, уңайлы, тиҙ. Ошондай мөмкинлектәр булып торһон.
“Сәләмәтлек поезы”на мөрәжәғәт итеүселәр эндокринолог, невролог, офтальмолог, кардиолог, акушер-гинеколог кеүек табиптарҙы бушлай үтә ала. Шул уҡ ваҡытта мобиль маммограф, флюорограф, диагностик тикшереүҙәр ойошторолған. Белгестәргә яҙылыр өсөн атап үтелгән ауылдарҙағы участка фельдшерына шылтыратырға кәрәк.
“Сәләмәтлек поезы”на мөрәжәғәт итеүселәр эндокринолог, невролог, офтальмолог, кардиолог, акушер-гинеколог кеүек табиптарҙы бушлай үтә ала. Шул уҡ ваҡытта мобиль маммограф, флюорограф, диагностик тикшереүҙәр ойошторолған. Белгестәргә яҙылыр өсөн атап үтелгән ауылдарҙағы участка фельдшерына шылтыратырға кәрәк.
Вера Уразлова фотолары
