НИСЕК 9 ОРЛОҠТАН 6-7 КҮНӘК ҠЫЯР ҮҪТЕРЕРГӘ?

Күршеләр гел ҡыярым менән һоҡлана. Күпме ултырттың ул тигән һорауға, туғыҙ тиһәм, ышанмайҙар. Туғыҙ ғына орлоҡтан әллә күпме матур эре ҡыяр үҫтереп алам. Нисек былай килеп сыҡҡанын аңлатырға әҙермен, ә һеҙ лайк ҡуйығыҙ.

Иң тәүҙә иҫке шифр кәрәк буласаҡ. Уның 60 см тирәһен ергә күмер кәрәк, башҡаса ул баҫып тормаясаҡ. Шаҡмаҡ буйлап шифрҙы ултыртам да, нығыраҡ торһон өсөн тимер сыбыҡ йәки шпагат менән ныҡ итеп бәйләйем.

Яҙ көнө 50 см тирәһе ҡом тушәйем, өҫтөнә пленка һалам да, 30 см тиреҫ менән тултырам. Шунан 25 см әҙерәк тиреҫ менән буталған баҡса ерен һалам, 3 күнәк марганцовкалы йылы һыу ҡоям. Өҫтөн ҡара лутрасил менән ябып ҡуям. Икенсе берәй тауар ҡулланһағыҙ ҙа була.

Ваҡыт үткәс, япҡан тауарҙа тишектәр ҡырҡып, орлоҡ сәсәм. Шунан 2 ҡат шул уҡ тауар һәм 2 ҡат пленка менән ҡаплайым.

Ҡыяр үҫеп сыҡмайынса асмайым. Көн йылынғас ҡына асам. Август уртаһында төнгөлөккә тағын тауар менән ҡаплай башлайым.

Йылы һыу ҡойоп торорға онотмаһағыҙ, йәй буйына ҡыяр ашап туясаҡһығыҙ!