+24 °С
Ямғыр
Йәмғиәт
10 Март 2021, 13:33
Ишембайҙар хеҙмәткә һәм оборонаға әҙер!
Хәҙер илдә спорт менән мауығыу модаға әйләнеп бара тиһәк, һис хата булмаҫ, моғайын. Йәштәрҙең 80 проценты тиерлек даими рәүештә физкультура һәм спорт менән шөғөлләнә.
Хәҙер илдә спорт менән мауығыу модаға әйләнеп бара тиһәк, һис хата булмаҫ, моғайын. Йәштәрҙең 80 проценты тиерлек даими рәүештә физкультура һәм спорт менән шөғөлләнә.
Бөгөн Ишембай уҡыусылары ГТО-ға тест үтте. Улар 3 төркөмгә бүленеп үҙҙәренең физик әҙерлектәрен күрһәтте.
- Бөтә мәктәптәр тиерлек ҙә йәштәренә ҡарап 3 төркөмгә бүленеп ГТО-ла үҙ көстәрен һынай. Ҡатнашыусылар йылдан-йыл арта ғына. Айырыуса А.Доставалов исемендәге Волга буйы федераль округының Башҡорт кадет корпусы, 12-се, 11-се мәктәп, 1-се гимназия уҡыусылары бер ҙә һынатмай. Норматив тапшырыусыларҙың һөҙөмтәләре интернет-сайтҡа һалына, аҙаҡ билдәләр (значоктар) тапшырыла. Физик яҡтан яҡшы һөҙөмтәләр күрһәткән уҡыусылар 12-14 мартта Салауатта уҙасаҡ республика Ҡышҡы фестивалендә һынау тотасаҡ, - ти Ишембай ҡалаһындағы ГТО-ға тест үтеү үҙәге администраторы Дилә Имәнғолова.
Әйтергә кәрәк, ГТО значогы уның эйәһенә билдәле бер льготалар (мәҫәлән, юғары уҡыу йортона ингәндә өҫтәлмә балдар) бирә.
Автор фотолары.
