Үксәгеҙ ауыртһа...

Был сирҙән халыҡ дауаһы алымдары ла киң таралған. Шуларҙың бер нисәүһенә күҙ һалайыҡ.

* Ике таблетка аспиринды өс процентлы йод менән иҙергә лә ошо “бутҡаны” мамыҡҡа һылап, үксәгә ҡуйырға. Полиэтилен пленка менән урарға. Ете көндән һуң тағы ҡабатларға, барлығы өс тапҡыр эшләргә. Әлеге алым аяҡ ситенә һөйәк үҫкәндә лә ярҙам итә.

* Бер сәй ҡалағы балға бер сәй ҡалағы йод өҫтәп, төнгөлөккә яҡшы итеп ышҡып үксәгә һөртөргә һәм йылы ойоҡбаш кейеп йоҡларға. Иртәнсәк йылы һыу менән йыуырға. Быны бер нисә көн ҡабатларға.

Халыҡ дауаһы алымдарын ҡулланыр алдынан табип менән кәңәшләшергә онотмағыҙ!