Туйҙа тыуған мөхәббәт

Бик күп йылдар элек булды был хәл. Бер таныш ҡыҙ уҡыған ҡалаһында танышып, оҙаҡ ҡына дуҫлашып йөрөгән егетенә кейәүгә сыҡты. Кейәү егет республиканың бөтөнләй икенсе тарафынан ине.

Бик күп йылдар элек булды был хәл. Бер таныш ҡыҙ уҡыған ҡалаһында танышып, оҙаҡ ҡына дуҫлашып йөрөгән егетенә кейәүгә сыҡты. Кейәү егет республиканың бөтөнләй икенсе тарафынан ине.

Гөрләтеп ауылса туй үткәрҙеләр. Ҡыҙ бергә уҡыған әхирәтен, ә кейәү егет ауылдағы иң яҡын дуҫын шаһит итеп һайлаған ине. Ошо туйҙа бер-береһен тәүге тапҡыр күргән шаһит егет менән ҡыҙ араһында бер күреүҙән һөйөү уты тоҡана.

Киләһе аҙнаһына баяғы алыҫ райондан, шаһит егеттән, яусылар килеп төшә. Быны көтмәгән ҡыҙ үҙе лә, ата-әсәһе лә аптырауға ҡала: нисек инде, бер аҙна элек кенә туйҙа танышҡандар бит. Әммә егет тимерҙе ҡыҙыуында өҙә һуға торғандарҙан була, күрәһең.

Күп тә үтмәй был ауылда тағы туй гөрләне һәм әлеге ҡыҙ әхирәте артынса шул алыҫ районға, шул уҡ ауылға килен булып оҙатылды.

Шуныһы ҡыҙыҡ тип әйтәйекме, ҡыҙғанысмы: матур итеп дуҫлашып йөрөп өйләнешкән тәүге пар йәшәй алманы, айырылышты. Ә бына бер аҙна эсендә танышып ҡауышҡан икенсе пар әле булһа гөрләтеп донъя көтә, балалар үҫтереп, һоҡланғыс ғаилә булып йәшәп ята.

Фото: ok.ru

Гөлдәр Яҡшығолова

https://bash.rbsmi.ru/articles/m-kh-bb-t-ba-sa-y/Tuy-a-tiu-an-m-h-bb-t-575867/

Читайте нас:

Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.

Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.

Телефон

8(34794) 2-68-45

Электрон почта

[email protected]

Адресы

453200, город Ишимбай, ул. Советская, 88

Реклама хеҙмәте

8(34794) 4-11-22, 8-917-45-44-640

Редакция

8(34794) 2-68-45

Ҡабул итеү бүлмәһе

8(34794) 3-22-75

Хеҙмәттәшлек

8(34794) 3-22-75