Яңы йылға кем матурыраҡ биҙәр?

Ғәҙәттә был күңелле мәшәҡәттәрҙән ауыл халҡы ла ситтә ҡалмай, боҙҙан, ҡарҙан әкиәт донъяһы ҡороп ҡуйған хужалар бар. Ә был матурлыҡты ЛЕТО сауҙа-күңел асыу үҙәге эргәһендә төшөрөп алдыҡ - яҡтыртҡыстарҙың төрлөһөн етештереүсе эшҡыуар Ринат Зөбәйҙуллин коллективының тырышлығы.

Конкурсты һәр йылдағыса муниципаль район хакимиәтенең сауҙа, хеҙмәттәр һәм эшҡыуарлыҡты координациялау бүлеге тарафынан ойошторолдо. Байрамға әҙерлек бөтәһе биш номинация буйынса баһалана – иң яҡшы биҙәлгән аҙыҡ-түлек һәм аҙыҡ-түлек булмаған сауҙа объекттары, сауҙа үҙәктәрен, йәмәғәт туҡланыуы объекттары, халыҡты көнкүреш хеҙмәтләндереү предприятиелары, стационар булмаған сауҙа объекттары һәм хеҙмәттәр күрһәтеү буйынса объекттар. Конкурста төрлө милек формалары булған предприятие, ойошмалар ҡатнаша ала.

Витриналарҙы, ингән урындарҙы декоратив-художестволы һәм яҡтылыҡ менән биҙәү, яңы йыл атрибуттары, интерьерҙа яңы йыл тематикаһы, биҙәүҙә яңы алымдар ҡулланыу - былар барыһы ла иҫәпкә алына. Белеүегеҙсә, еңеүселәрҙе муниципаль район хакимиәте ғинуар айында аҡсалата бүләкләп үтә. Биҙәү эштәренән фотоларҙы һәм ҡатнашыуға ғаризаны электрон почтаға ебәрә алаһығыҙ: [email protected]