Һалҡын тейгәндә, айырыуса йүткереп йонсоһағыҙ, был төнәтмә терелеп китергә ныҡлы ярҙам итер, вирустарҙы ла юҡҡа сығарыр.
1 эре һуғанды, ошо уҡ ауырлыҡта һарымһаҡты, керән тамырын (хрен) тышын әрсеп, ит үткәргестән үткәрәбеҙ. Яҡынса ярты литрлыҡ ҡатнашма килеп сығасаҡ. Ошо уҡ күләмдә уға бал өҫтәп бутайбыҙ.
Көнөнә 3 тапҡыр 1-шәр сәй ҡалағы ашаған ваҡытта ҡабул итәбеҙ. Төнәтмәне һыуытҡыста һаҡлағыҙ. Был ҡатнашманы лимон ҡушып эшләһәң дә зыян түгел. Һау булайыҡ!