Бөтә яңылыҡтар
Йәмғиәт
9 Октябрь 2020, 22:14

Туҡһан йыллыҡҡа бүләк әҙерләнә

Киләһе йылда Ишембайҙа Башҡортостан нефтен тәүге асыусылар майҙанын үҙгәртеп ҡороуҙы һәм яңыртыуҙы проектлау башланасаҡ.

Киләһе йылда Ишембайҙа Башҡортостан нефтен тәүге асыусылар майҙанын үҙгәртеп ҡороуҙы һәм яңыртыуҙы проектлау башланасаҡ.
2022 йылда, башҡорт нефтен табыуға 90 йыл тулыуҙы билдәләгәндә, майҙан заманса үҙгәргән, матурланған буласаҡ. Был хаҡта республика Башлығы Радий Хәбиров Ишембайға сәфәре барышында белдерҙе.
“Маҡсатыбыҙ - Ишембайҙы тәртипкә килтереү. Юлдар, тротуарҙар эшләйбеҙ, ихаталарҙы, подъездарҙы ремонтлайбыҙ. Ә иң мөһиме - быйыл биләмәлә “Алға” иҡтисади зонаһын ойоштора алдыҡ. Был иһә - эш урындары, һалым. Предприятиелар ҙа төҙөй башланыҡ. Ваҡытында бында байтаҡ заводты яптылар тип һәр саҡ ҡайғыра инем. Хәҙер күбеһен тергеҙәбеҙ. Шуға йәшәргә һәм ҡыуанырға кәрәк”, – тине Радий Хәбиров ҡала халҡы менән әңгәмәләшкәндә.
Фото: Олег Яровиков (“Башинформ”).
Айһылыу Низамова
Читайте нас в