"Инвесторҙар менән һөҙөмтәлерәк эшләүгә юл аса"

Идарасы компания транспорт, инженерлыҡ һәм таможня инфраструктураһы объекттарын төҙөү һәм уларҙың эшен тәьмин итеү, резиденттар йәлеп итеү, уларҙы һайлап алыу һәм эшен ойоштороу, махсус иҡтисади зона биләмәһен төҙөкләндереү менән шөғөлләнәсәк.

“Үҫеш корпорацияһының “Алға” махсус иҡтисади зонаһының идарасы компанияһы итеп тәғәйенләнеүе инвесторҙар менән һөҙөмтәлерәк эш итеү өсөн кадрҙар туплау һәм ресурстар ҡеүәтен арттырыу мөмкинлеген бирәсәк, өҫтәүенә беҙҙә “Өфө” индустриаль паркының идарасы компанияһы булараҡ уңышлы эш тәжрибәһе бар. “Алға” – дүрт майҙансыҡлы уникаль махсус иҡтисади зона. Уның биләмәһендә төрлө йүнәлештәге предприятиеларҙы урынлаштырырға була. Әле туғыҙ резидент менән килешеүгә ҡул ҡуйылған. Ошо юҫыҡта эш дауам итә”, – тине Үҫеш корпорацияһының генераль директоры Раил Сарбаев.