Төҙәтмәләр индерелә

Әгәр ҙә һеҙ быға тиклем төбәк операторына мәғлүмәттәрҙе дөрөҫләү өсөн документтарығыҙ менән мөрәжәғәт иткән булһағыҙ, ҡабаттан хәбәр итеү кәрәкмәй. Түләүҙе йортта, фатирҙа рәсми теркәлгән кешеләр иҫәбенән сығып һәм әле түләнмәгән ай өсөн генә башҡарырға кәрәк.

Үҙгәрештәр киләһе айға кертеләсәк. Эш күләме бик ҙур булғанлыҡтан беҙҙең хеҙмәткәрҙәр ҡыҫҡа ваҡытта физик һәм юридик шәхестәрҙән килгән бөтә мәғлүмәтте эшкәртеп өлгөрә алмай.

Әгәр ҙә йорт хужаһы быға тиклем төбәк операторына төҙәтеү өсөн мәғлүмәт ебәрмәгән булһа, паспортын, ғаилә составы йәки ваҡытлыса теркәлеү тураһында белешмәһен (был документтарҙы идарасы компания йәки ауыл Советы хакимиәте бирә) фотоға төшөрөп, йә сканерлап, беҙгә [email protected] электрон почтаһы аша ебәрергә тейеш. Хатта адресығыҙҙы, исем-шәрифегеҙҙе һәм квитанцияла ниндәй мәғлүмәттең дөрөҫлөккә тап килмәүен күрһәтергә онотмағыҙ. Әгәр ҙә электрон почта менән ҡулланыу мөмкинлеге юҡ икән, хатты ҡәҙимге почта аша 453124 индексы менән Стәрлетамаҡ ҡалаһы, Тыныслыҡ урамы, 18-се йорт, 4-6 бүлмә адресына ебәрегеҙ. Беҙгә ошо адрес буйынса үҙегеҙ килеп тә һорауҙарығыҙҙы аныҡлай алаһығыҙ.

Тағы бер үтенесебеҙ бар - әгәр ҙә бер үк адресҡа “Обращение с ТКО” графаһы менән ике йәки бер нисә квитанция килгән икән, түләүҙе бер генә ҡағыҙ буйынса башҡарырға кәрәк. Аҡсалар мотлаҡ тейешле иҫәпкә төшәсәк һәм иҫәпкә алынасаҡ.