Күлдәктәрҙең матурымы?Үҙебеҙҙә инде улар - “Ишембай сауҙа үҙәгендә!

Кеҫәңдең ҡалынлығына ҡарап, күңелең теләгән күлдәкте үҙеңә лә, яҡындарыңа ла һайлап алырға була бында. Сит илдә етештерелгәне лә, үҙебеҙҙә теккәндәре лә етерлек. 8 март байрамына берәй матур күлдәк алып кейәйем әле тип йөрөгәндә, үҙәктең 2-се ҡатында яңы ғына асылған 228-се бүлекте күреп ҡалдым. Уның хужаһы менән танышам. Ләүзә Хисмәтуллина булып сыҡты ул. Салауат ҡалаһында йәшәй икән, Ишембайҙың ҡатын-ҡыҙҙары тағы ла матурыраҡ, зауыҡлыраҡ кейенһен тигән теләк менән ошо бүлекте асҡан. Новоси-бирск, Ижау, Чебоксар, Владимир ҡалаларындағы фабрикаларҙа етештерелгән ҡатын-ҡыҙ күлдәктәре менән һатыу итә.

- Йәштәрҙе затлы кейемдәр менән аптыратып булмай хәҙер. Улар интернет селтәрҙәре аша нимә кәрәк, шуны заказ менән ала. Ә бына 40 йәштән уҙған ҡатын-ҡыҙҙар кейемде магазинда үҙҙәре кейеп ҡарап алырға ярата. Шуға күрә тап ошо йәштән алып оло йәштәгеләр өсөн астыҡ был бүлекте, - ти асыҡ йөҙлө һатыусы.

Ассортимент ярайһы ғына бай. Эшлекле, киске күлдәктәр, көндәлектә кейә торғандары ла етерлек. Тышта ыжғыр буран булыуға ҡарамаҫтан, йәйге селләлә, ҡояшлы, йылы көндәрҙә кейә торған еңел туҡыманан тегелгән төрлө төҫтәгеләре лә бар. Ҡул ирекһеҙҙән ана шул матур күлдәктәргә һуҙыла. Кокон, бохо, коктейль стилендәге йөн, киндер, бәрхәт, шифондан тегелгәндәре лә күҙҙең яуын ала. Төҫтәре лә төрлө-төрлө. Ә ниндәй үлсәмдәребар тиһегеҙме? Борсолмағыҙ, 42-се размерҙан алып 62-се размерға тиклем. Аҙна һайын бүлек яңы тауарҙар менән тулыландырыла, сөнки күп фабрикалар менән туранан-тура бәйләнеш булдырылған. Сауҙа үҙәгенең аҙнаның бөтә көндәрендә лә иртәнге сәғәт 10-дан киске 20 сәғәткә тиклем эшләүе лә бик уңайлы. Хатта эштән арып ҡайтҡанда ла, үҙеңдең, яҡындарыңдың кәйефен күтәрер өсөн матур күлдәк һайлап алырға өлгөрөп була.

Үҙ эшенең оҫтаһы Ләүзә Фәй-зулла ҡыҙы һатып алыусыларҙы матур кәйеф менән ҡаршы ала, ихлас күңелдән уларға үҙ тауарын тәҡдим итә. Бүлеккә кергән бер генә ҡатын-ҡыҙ ҙа буш ҡул менән сығып китмәйҙер. Хаҡтары ла арзан - 1900 һумдан алып 3900 һумға тиклем.

- Халыҡта ҡунаҡты кейеменә ҡарап ҡаршы алалар, тигән әйтем бар. Ысынлап та шулай. Беҙ, ҡатын-ҡыҙҙар, матур булыр өсөн яратылғанбыҙ. Бының өсөн ҡайһы бер саҡ күп тә кәрәкмәй, өҫтөңә килешле генә күлдәк кейеү ҙә етә, - ти Ләүзә Хисмәтуллина.