Ергә ҡояш кәрәк булһа, Һин беҙгә кәрәк, Әсәй!

Донъяла күп изге төшөнсәләр бар. Үҙебеҙ әсәй-атай булһаҡ та, беҙҙең өсөн «балам» тип өҙөлөп тороусы атай-әсәйебеҙҙең иҫән-һау булыуынан да ҙур шатлыҡ юҡтыр. Бәхетлемен тим үҙемде, сөнки һағынып, ҡапҡа асып көтөп торған, ауыр саҡта арҡа терәр, кәңәш һорар, һағынғанда иңдәренә ҡулдарымды һалыр әсәйем бар. Сер түгел: бөгөнгө тормошта кеше йәнле заттар бик һирәк осрай. Ә минең әсәйем - ВӘЛИЕВА Гүзәл Ришат ҡыҙы – тап ана шундайҙарҙан.

Донъяла күп изге төшөнсәләр бар. Үҙебеҙ әсәй-атай булһаҡ та, беҙҙең өсөн «балам» тип өҙөлөп тороусы атай-әсәйебеҙҙең иҫән-һау булыуынан да ҙур шатлыҡ юҡтыр. Бәхетлемен тим үҙемде, сөнки һағынып, ҡапҡа асып көтөп торған, ауыр саҡта арҡа терәр, кәңәш һорар, һағынғанда иңдәренә ҡулдарымды һалыр әсәйем бар. Сер түгел: бөгөнгө тормошта кеше йәнле заттар бик һирәк осрай. Ә минең әсәйем - ВӘЛИЕВА Гүзәл Ришат ҡыҙы – тап ана шундайҙарҙан.

Әсәйем Бөйөк Ватан һуғышы ветераны Ғибаҙулла олатайымдың һөнәр юлын һайлаған. Мәктәпте уңышлы тамамлап, Стәрлетамаҡ дәүләт педагогия институтында физика һәм математика уҡытыусыһы һөнәренә уҡып сыға. Хеҙмәт юлын Йәнырыҫта башланғыс кластар уҡытыусыһы булып башлап ебәрә, һуңынан Ҡарайған ауылында уҡыта. Хәҙер инде балаларға белем һәм тәрбиә биреүенә 30 йыл булып киткән.

Яраталар үҙен уҡыусылары, ҙур хөрмәт менән ҡарайҙар. Мин дә әсәйемдең уҡыусыһы, төплө белем алдым унан. «Гүзәл Ришат ҡыҙы беҙҙе үҙ аллы тормошҡа әҙер булырға өйрәтте, дәрестәрен тормош менән бәйләп алып барҙы, төрлө са-ралар уртаһында беҙҙең менән булды», - ти уның уҡыусылары.

Яратҡан эшенә әсәйем бик яуаплы ҡарай, һәр ваҡыт талапсан ул. Эшенә бар күңелен һалып, еренә еткереп, теүәл башҡарыуы менән хеҙмәттәштәре, ауылдаш-тары араһында абруй ҡаҙанды. Сабыр, тыныс холоҡло, һәр кемгә иғтибарлы Һәм ихтирам-лы әсәйем. Ғөмүмән, барыһына ла етә уның йөрәк йылыһы – яҡындарына ла, туғандарына ла, уҡыусыларына ла, ауылдашта-рына ла.

Ҡатын-ҡыҙҙың бәхет сығанағы – уның ҡорған ғаиләһе. Әсәйем менән атайым Рөстәм Фәрит улы ике бала тәрбиәләп үҫтерҙеләр, икеһен дә уҡытып, юғары белем биреп аяҡҡа баҫтырҙылар. Улдары Әмир әлеге көндә алыҫ При-морье крайында ил алдындағы хәрби бурысын үтәй. Әйткәндәй, ҡыҫҡа ғына ваҡыт эсендә хәрбиәҙерлек фәндәре буйынса уңыштарға ла өлгәшеп өлгөргән ҡустым. Атайым менән әсәйем часть командирынан рәхмәт хаты алып шатланды.

Балаларының тормошо-на ҡыуанып, Ибраһим ейәнен һөйөү бәхетен татып, эшенән йәм табып йәшәгән тәүәккәл, хәстәрлекле, уңған әсәй-өләсәй ул. Аш-һыу рәтен белгән, алсаҡ йөҙлө, ҡунаҡсыл хужабикә лә үҙе. Ә үҫтергән гөлдәренә һоҡланмаған кеше юҡтыр.

Ҡәҙерле, оло йөрәкле, сабыр әсәйебеҙ! Һиңә киләсәктә ғаилә именлеге, ныҡлы һаулыҡ, еңел булмаған эшеңдә ҙур уңыштар, балаларыңдың изгелектәрен күреп, шатлыҡ-һөйөнөстәргә бай тормошта беҙгә терәк, кәнәшсе булып, атайыбыҙ менән оҙаҡ йылдар парлы булып, бәхетле ғүмер кисереүегеҙҙе теләйбеҙ.

Ашҡынып та, һағынып ҡайтабыҙ беҙ

Тыуып-үҫкән йортҡа - ояға.

Күңел тулы шатлыҡ, әлдә әле

Әсәйебеҙ бар, тип донъяла.

Тәҙрәләрҙә уттар балҡып яна,

Әсәй сыға ҡапҡа асырға.

Йүгергеләп унан табын ҡора,

Тәмле аштар бешә ҡаҙанда.

Күҙ нурыңды түктең беҙҙен өсөн,

Йөрәк йылың булды гел юлдаш.

Шатлығыбыҙ арта һиңә ҡарап,

Беҙҙен өсөн бәхет һин булғас.

Рәхмәт, әсәй, мең-мең рәхмәт,

Шат күңелдәр менән ғүмер ит.

Ергә ҡояш нисек кәрәк булһа,

Һин дә беҙгә шулай кәрәк бит!

Фото: ғаилә архивынан.

Реклама.

Читайте нас:

Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.

Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.

Телефон

8(34794) 2-68-45

Электрон почта

[email protected]

Адресы

453200, город Ишимбай, ул. Советская, 88

Реклама хеҙмәте

8(34794) 4-11-22, 8-917-45-44-640

Редакция

8(34794) 2-68-45

Ҡабул итеү бүлмәһе

8(34794) 3-22-75

Хеҙмәттәшлек

8(34794) 3-22-75