-4 °С
Болотло
Бөтә яңылыҡтар
Йәмғиәт
12 Сентябрь 2018, 02:00
“ИНСАЙТ” ӨЙ ТУЙЛАНЫ
“Инсайт” психологик, медицина, социаль ярҙам үҙәге капиталь ремонтланған бинала үҙ ишектәрен асты. Бындағы хеҙмәткәрҙәр балаларҙы ҡабул итергә әҙер.
“Инсайт” психологик, медицина, социаль ярҙам үҙәге капиталь ремонтланған бинала үҙ ишектәрен асты. Бындағы хеҙмәткәрҙәр балаларҙы ҡабул итергә әҙер.
Хәҙер үҙәк Нуриман урамындағы 29-сы йортта урынлашты. Бина тулыһынса яңыртылған, ҡыйығы, тәҙрәләре алмаштырылған, эске яҡтан да ҙур эштәр башҡарылған, бүлмәләргә өр-яңы йыһаздар алынған.
Яңы бина майҙанының элеккеһенән ҙур булыуы балалар, ата-әсәләр өсөн өҫтәмә уңайлы шарттар тыуҙырырға мөмкинселек бирә. Беренсе ҡат тулыһынса һаулыҡ мөмкинлеге сикле балалар өсөн йыһазландырылған, был йүнәлештә эш әле лә дауам итә. Шулай уҡ унда әсәйҙәр советы өсөн дә бүлмә барлыҡҡа килгән. Монтессори кабинеты, физкультура бүлмәһе, тренингы залы, төркөм менән эшләү өсөн урын һәм башҡа өҫтәмә уңайлыҡтар асылған.
Үҙәктең яңы бинаһын асыу танта-наһында Ишембай районы муниципаль районы хакимиәте башлығы Марат Ғайсин да ҡатнашты, үҙенең сығышында ул учреждениеның әһәмиәтен билдәләне, коллективҡа киләсәктә уңышлы эш теләне. Район хакимиәте исеменән бүләккә балалар майҙансығы эшләнәсәген әйтте.
Әйтергә кәрәк, был күләмле эш район ҡатын-ҡыҙҙар советы инициативаһы менән башҡарыла, шуға ла әлеге тантанала был ойошма ағзалары ла әүҙем ҡатнашты, “Инсайт”та шөғөлләнеүсе балалар өсөн улар спорт кәрәк-яраҡтары тапшырҙы. Шулай уҡ Йәштәр советы ла үҙ өлөшөн индерҙе, улар ҙа бәләкәстәргә кәрәкле әйберҙәр бүләк итте.
Тантанаға йыйылыусылар, бүлмәләр буйлап йөрөп, балалар өсөн тыуҙырылған шарттар менән танышты.
“Инсайт” үҙәгенең психологтары, дефектологтары, логопедтары, социаль педагогтары бөгөнгө көндә үҙҙәренең эшмәкәрлеген киңәйтә. Ҡала һәм ауыл мәктәптәре менән дә тығыҙ бәйләнеш булдырыла. Улар белем биреү учреждениеларына сығып та балалар менән эш алып бара, “Ата-әсә мәҡтәбе” тигән махсус дәрестәр ойоштора.
Шулай уҡ өйөнән сыға алмаған балаларҙың йорттарына барып эшләү ҙә яйға һалынған. “Инсайт” белгестәрен кескәй дуҫтары көтөп ала.
Фото: автор.
Читайте нас:
© 2025 Сайт общественно-политической газеты «Торатау» города Ишимбая и Ишимбайского района
Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.
Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.
Телефон
8(34794) 2-68-45
Электрон почта
Адресы
453200, город Ишимбай, ул. Советская, 88
Реклама хеҙмәте
8(34794) 4-11-22, 8-917-45-44-640
Редакция
8(34794) 2-68-45
Ҡабул итеү бүлмәһе
8(34794) 3-22-75
Хеҙмәттәшлек
8(34794) 3-22-75