Әлеге көндә ул йәшелсәселек менән шөғөлләнә. Йорт эргәһендәге баҡсаһында кәбеҫтә, һуған, ҡабаҡ үҫтерә. Уларҙы Ишембай, Стәрле баҙарҙарына алып барып өлгөртөп тора. Шәхси эшҡыуар 50 гектар ерҙе ҡуртымға алған. Быйыл 4 гектарында картуф ултыртҡан. Тиҙ өлгөрә торған сортлы картуфты булдыҡлы яҡташыбыҙ йәй башынан уҡ халыҡҡа һата. Бер ҡараһаң, картуф үҫтереүҙән дә еңел эш юҡ кеүек: яҙын сығарып сәстең, сүбен утаның, күмдең, ҡортон йыйҙың да – ҡаҙып та алдың. Нимә уйлағанымды һиҙгәндәй, эшҡыуар дәртләнеп, үҙ эше тураһында һөйләй