Бөтә яңылыҡтар
Йәмғиәт
2 Август 2018, 02:00

Бурыс һаҙлығына батмайыҡ

Ишембай Берҙәм заказсы дирекцияһынан алынған мәғлүмәттәргә ҡарағанда, быйыл 7 ай эсендә торлаҡ-коммуналь хеҙмәттәргә түләү буйынса 611,1 миллион һум аҡса иҫәпләнһә, шуның 600,3 миллион һумы йыйып алынған, был 98,2 процент тәшкил итә.

Ишембай Берҙәм заказсы дирекцияһынан алынған мәғлүмәттәргә ҡарағанда, быйыл 7 ай эсендә торлаҡ-коммуналь хеҙмәттәргә түләү буйынса 611,1 миллион һум аҡса иҫәпләнһә, шуның 600,3 миллион һумы йыйып алынған, был 98,2 процент тәшкил итә.


Күп фатирлы йорттарҙа урынлашҡан торлаҡ булмаған биналар милекселәренең, арендаторҙарҙың һәм халыҡтың бурысы 1 авгусҡа ҡарата 227, 2 миллион һум тәшкил итә. Быйыл 1 июлдән торлаҡ-коммуналь хужалығы хеҙмәттәренә тарифтар артыуы ла бурыстарҙың үҫеүенә йоғонто яһай.


Түләүҙәрҙе йыйыу процентын күтәреү маҡсатында ҡануниәт сиктәрендә ҡаралған төрлө саралар күрелә. Йыл башынан түләү буйынса бурыстары булған граждандарға 48,4 миллион һумға 992 дәғүә ғаризаһы ебәрелгән. Был осорға судта 17,3 миллион һумға 334 суд приказы ҡаралып, суд приставтарына үтәүгә тапшырылған. Суд ҡарары сығарылғанға тиклем 339 бурыслы 10,2 миллион һумға бирәсәктәрен ҡайтарған. Суд ҡарары сығарылғандан һуң 123 кешебурыстарын түләгән.

Граждандарға бурыстарын ҡаплауҙа ярҙам итеү маҡсатында Ишембай Берҙәм заказсы дирекцияһы бүлеп түләү шарты менән килешеүҙәр төҙөй. Бындай килешеү булған осраҡта бурыслы ай һайын ағымдағы

түләүҙе һәм булған бурыстың бер өлөшөн түләй барырға тейеш, уның күләме килешеүҙә билдәләнгән. Бындай килешеү төҙөү бурыслыға тейешле документтар туплап торлаҡ-коммуналь хеҙмәтен түләүгә субсидия юлларға ла ярҙам итә. Йыл башынан 7,2 миллион һумға ошондай 127 килешеү төҙөлгән.


Әлбиттә, бурысты ваҡытында түләмәү яҡшыға илтмәй. Бурысы ике айҙан ашып киткән граждандарҙың фатирында электр энергияһы өҙөлә.



Фото: pixabay.com


Читайте нас в