Һәйкәл үҙ урынын тапты

26 майҙа ҡалала Сик һаҡсылары скверын асыу ниәтләнгән.

Быйыл, Сик һаҡсылары хеҙмәтенең 100 йыллығын билдәләү уңайынан, йәшел фуражкалы яугирҙарға арналған объектты булдырыу өсөн күмәк көс һалынды. Элекке 10-сы балалар баҡсаһы ихатаһындағы Сик һаҡсыһы һәйкәлен күсереп реставрациялау ҙа эштең яуаплы өлөшө ине. Балалар һәм үҫмерҙәр ижад һарайы территорияһында асыласаҡ скверҙы ошо скульптур композиция – ҡалалағы иң боронғо һәйкәл биҙәйәсәк. Сик һағы ғәскәрҙәре яугирҙарын берләштереүсе йәмәғәт ойошмаһы активистары башланғысы менән күтәрелгән был эшкә ишембайҙар ҙа ҡулдан килгәнсә үҙ өлөшөн индерә ала. Яугир ветерандар ойошмаһы менән 8-919-14-93-905 телефоны аша бәйләнешкә инергә була.

Фото: https://vk.com/ishimbaiphoto