Алаҡайҙар Яңы йылды ҡаршыларға әҙер

Бер нисә йыл рәттән Алаҡай ауылы халҡы "Яңы йылды ҡаршы алыуға биҙәлгән иң матур ауыл" конкурсында ҡатнаша. Быйыл да конкурстан ситтә ҡалмаҫҡа булдыҡ.

Ауыл уртаһында урынлашҡан күлдә балалар өсөн бына тигән һырғалаҡ, боронғоса ат тәгәрмәсенән карусель яһап ҡуйҙыҡ. Биҙәлгән шыршы эргәһенә Ҡыш Бабай, Ҡарһылыу, Яңы йылдың төп символы булған бәләкәй генә көсөк яһап ултырттыҡ. Клуб урамында "Яңы йылды көткәндә" исемле әкиәт ҡаласығын да эшләнек, яңы балалар майҙансығында үҫеп ултырған ҡарағай ағасын биҙәп ҡуйҙыҡ. Ә клуб эсендәге биҙәлгән шыршы 30 декабрҙә буласаҡ байрамда барыһын да көтә.

Ошо ҙур эште башҡарып сыҡҡан ауылдаштарыбыҙға сикһеҙ рәхмәттәребеҙҙе белдерәбеҙ.

Зәлиә Ғәйнуллина,

Сәлимә Герасименко.