«БЕҘ ТАҘА МӨХИТ ӨСӨН!»

Сараның маҡсаты булып Ағиҙел йылғаһының ярын таҙартыу ғына түгел, ә йәш быуында экологик мәҙәниәтте һәм тәбиғәткә һаҡсыл ҡарашты тәрбиәләү ҙә тора.

- Башланғыс класс уҡыусылары был эште яратып башҡарҙы. Улар тоҡсай, пакет, пластик шешә кеүек сүп-сарҙы йыйҙы. Өмәнән һуң Ағиҙел буйы таҙарып, йәмләнеп ҡалды. Балалар ҙа эштәренән ҡәнәғәт, сөнки был уларҙың яратҡан ял итеү урыны, - тип уртаҡлашты уҡытыусы Гүзәл Вәлиева.

Балалар был урынды таҙартырға тағы киләсәктәре тураһында белдерҙе.

- Беҙҙең эшкә ҡарап ололар фәһем алһын ине. Йылға буйын сүпләмәһендәр, таҙартып ҡына торһондар, тигән теләгемде еткерәм. Был урын беҙҙең йортобоҙ һымаҡ булырға тейеш, - тип белдерҙе уҡыусыларҙың береһе Әминә Рәшитова.

Гүзәл ВӘЛИЕВА фотоһы.