Яңыртылған мәктәптәрҙә тырышып уҡырға булһын!

Тантаналы сарала БР Торлаҡ һәм төҙөлөш күҙәтеүе буйынса дәүләт комитеты рәйесе Илшат Сәйетов, муниципаль район хакимиәте башлығының төҙөлөш, торлаҡ-коммуналь хужалыҡ һәм инфраструктура үҫеше буйынса урынбаҫары Ринат Юлғотлин, педагогтар, ветеран уҡытыусылар, ата-әсәләр һәм уҡыусылар ҡатнашты.

- Башҡортостан Башлығы Радий Хәбиров исеменән барығыҙҙы ла Белем көнө менән ҡотларға рөхсәт итегеҙ, - тип мөрәжәғәт итте Илшат Әнзәм улы. – Яңыртылған, заманса йыһазландырылған кабинеттарҙа тырышып белем алып, артабан уңышлы имтихандар тотоп, ҡуйған маҡсаттарығыҙға ирешергә яҙһын. Уҡытыусыларға, ата-әсәләргә балаларға терәк булған өсөн айырым рәхмәт белдерәм.

Автор фотолары.