Легендар комдив вариҫтары осрашыуға килде

Тантаналы сарала Башҡортостан Башлығы Радий Хәбиров ҡатнашты. Шайморатовсыларҙың тәүге балында республика муниципалитеттарынан 230-ҙан ашыу кеше йыйыла. Улар – уҡыуҙа яҡшы һөҙөмтәләр күрһәткән, олимпиадаларҙа, ижади һәм фәнни конкурстарҙа, хәрби-спорт ярыштарында призлы урындар яулаған, йәмәғәт ойошмаларында һәм ирекмәндәр хәрәкәттәрендә әүҙем ҡатнашҡан уҡыусылар.

Радий Фәрит улы алдынғыларға 1-се, 2-се, 3-сө дәрәжәләге «Йәш шайморатовсы» Почет билдәләре тапшырҙы. Был юғары баһаға республиканан 25 уҡыусы лайыҡ булды.

З.Вәлиди исемендәге 2-се башҡорт гимназияинтернаты уҡыусыһы Азамат Исламғоловҡа 2-се дәрәжәләге «Йәш шайморатовсы» Почет билдәһе тапшырылды.

Шайморатовсылар балы – йәмғиәт сараһы ғына түгел, ә ысын сәнғәт, илһөйәрлек һәм матурлыҡ байрамы. Башҡортостан Башлығы билдәләүенсә, легендар комдив вариҫтарының балын йыл һайын үткәрергә ҡарар ҡабул ителгән.

Фото: https://vk.com/bgi.validi