Кинйәбулатта - башҡорт Шаян Лигаһы

Был сара Ишембай районы хакимиәте менән берлектә уҙғарылды.

Район командалары барыһы ла бик матур итеп әҙерләнгәйне. Яңы командалар булыуы ла, телебеҙгә битараф булмауҙары ла уйында бик асыҡ сағылды. Жюри ағзаларының обьектив баһаларынан һуң урындар билдәләнде. Сәлих урта мәктәбенең "Калхуз" командаһы еңеүсе булды. Кинйәбулат мәктәбенең "Кинйәбулат" командаһы һәм Көҙән мәктәбенең "Шилмалар" командаһы икенсе урынды бүлеште. Һайран мәктәбенең "Йыһан" һәм Ишәй мәктәбенең "Саялар" командаһы өсөнсө урын алды.

Еңеүсе команда ҡышҡы каникулдар ваҡытында өс көнлөк оҫталыҡ дәрестәренә белем тупларға Стәрлетамаҡ ҡалаһына барасаҡтар. Ҡатнашҡан һәр бер командаларға иҫтәлекле бүләктәр, грамота һәм татлы бүләктәр тапшырылды.

Еңеүселәрҙе һәм уларҙың етәкселәрен февраль айында үтәсәк финал уйындарында тағы ла әүҙемерәк булыуҙарын һәм еңеү яулауҙарын көтөп ҡалабыҙ.