Гимназия йәнә үҙ ишектәрен асты

Был байрам һәр ваҡыт тулҡынландырғыс, бигерәк тә тәүге тапҡыр парта артына ултырыусылар өсөн.

Балаларҙы Башҡортостан Республикаһы Хөкүмәте Премьер-министры урынбаҫары - БР Хөкүмәте Аппараты етәксеһе Азамат Абдрахманов, 1-се гимназия директоры, муниципаль район Советы рәйесе Галина Баканова һәм башҡа ҡунаҡтар ҡотланы. Улар белем донъяһына яҡты юл теләп, уҡыусыларға бик күп йылы һүҙҙәр әйтте.

- Уҡыусыларыбыҙҙы сәләмләйбеҙ, бында алған белемдәр балаларға киләсәк тормошта кәрәк булыр, тип ышанам. Был уҡыу йылында һеҙҙе бик күп ҡыҙыҡлы нәмәләр көтә, тип уйлайым. Уңыштар теләйем, байрам менән! - тип мөрәжәғәт итте йыйылыусыларға Азамат Фәрит улы.

Буласаҡ сығарылыш уҡыусылары 1-се кластарға еңеллек һәм изге теләктәрҙе үтәү символы булараҡ ҡағыҙ самолеттар бүләк итте. Беренселәр иһә белем көнөнә махсус өйрәнгән хисле шиғырҙарҙы уҡыны.

Автор фотолары.