Әлифбаны уңышлы тамамлауҙары менән ҡотларға байрамға ата-әсәләр ҙә йыйылды.
Сентябрь айында мәктәпкә аяҡ баҫҡан кескәйҙәр үҙҙәренең тәүге уңыштары менән уртаҡлашты, алған белемдәрен күрһәтте, шиғырҙар һөйләне, йырҙар йырланы.
Киләсәктә тағы ла тырышып уҡырҙар, төрлө ярыштарҙа әүҙем ҡатнашырҙар, тигән өмөт уятты улар.
Ата-әсәләр был сараны йыр-бейеүгә, шиғырға һәм уйындарға бай итеп ойошторған беренсе класс уҡытыусылары Гөлназ Шәфҡәт ҡыҙына һәм Фәниә Ғәйнитдин ҡыҙына рәхмәт һүҙҙәрен әйтеп, байрамдан күтәренке кәйеф, дәрт, илһам алып таралышты.