Ишембайҙа «Йыл уҡытыусыһы - 2024» конкурсы үтте

- Беҙҙең муниципаль район мәғариф системаһы – Башҡортостанда иң ҙур системаларҙың береһе. Белем биреү учреждениеларында мең ярымдан кеше эшләй. Бөгөнгө көндә, һеҙ, хөрмәтле уҡытыусылар, уҡыусыларығыҙҙы бөтә Рәсәй, республика кимәлендәге төрлө конкурстарға, олимпиадаларға уңышлы әҙерләйһегеҙ. Фиҙаҡәр хеҙмәтегеҙ, үҙ һөнәрегеҙгә тоғролоғоҙ, ғилми, ижади эҙләнеүегеҙ өсөн оло рәхмәтемде еткерәм, - тип мөрәжәғәт итте педагогтарға муниципаль район хакимиәте башлығы Азат Ишемғолов.

«Йыл уҡытыусыһы - 2024» конкурсының еңеүсеһе булып 12-се лицей информатика уҡытыусыһы Анастасия Раҡаева танылды.

- Бөгөн, 21 февралдә, Халыҡ-ара туған телдәр көнөндә, «Башҡорт теле һәм әҙәбиәте» конкурсында еңеүсе булыуым минең өсөн оло мәртәбә. Был еңеүем артабан да уңыштарға өлгәшеүемә этәргес булыр, тип ышанам. Регион-ара конкурсҡа барһам, Ишембайҙы һынатмаҫҡа тырышасаҡмын, - тип уртаҡлашты 3-сө мәктәптең башҡорт теле уҡытыусыһы Әлфиә Шакирова.

Автор фотолары.