Байрам 6-сы һәм 7-се класс уҡыусылары менән башҡорт теле дәресен “Әлләсе” уйыны формаһында үткәреү менән башланып китте.
Төп байрам сараһына ауылдың ағинәйҙәре лә саҡырылды. Улар үҙҙәренең туған тел тураһындағы шиғырҙарын һөйләп ишеттерҙе, уҡыусыларға матур теләктәрен әйтте. Ә уҡыусылар Маҡар мәктәбен тамамлап, ҙур ғалим, шағир булып киткән яҡташтарыбыҙ тураһында һөйләп, шиғырҙарын уҡыны. Шулай уҡ уларҙың ижадына арналған гәзиттәр сығарылды, һүрәт төшөрөү конкурсы ойошторолдо.
Бөгөнгө матур сара “Башҡорт телендә һөйләшәм” йыр флешмобы менән тамамланды.