Маҡар урта мәктәбен быйыл 5 уҡыусы тамамланы. Улар исеменә бик күп йылы һүҙҙәр әйтелде, кәңәштәр һәм ата-әсә фатихаһы бирелде.
Киләсәгегеҙ яҡты булһын, ҡорған уй-хыялдарығыҙ тормошҡа ашһын.
Ваҡыты еткәс ҡош та үҙе тәрбиәләгән ҡошсоҡтарын ояһынан осороп сығара. Һеҙ ҙә ошо ҡошсоҡтар кеүекһегеҙ. Тик ҡанатығыҙ ҡайырылмаһын, ел-дауылдарға ҡарамай, бирешмәй тормош киңлектәрендә осорға өйрәнегеҙ. Янығыҙҙа һәр саҡ изге кешеләр һәм һыналған яҡын дуҫтар булһын. Имтихандарығыҙҙы уңышлы тапшырып, үҙегеҙ теләгән уҡыу йорттарында белем алып сығырға яҙһын.
Фото: https://vk.com/makarsdk