Ишәй ауылы мәктәбендә шиғыр һөйләү конкурсы уҙҙы

Ысынында, бәйгелә ҡатнашыусы һәр бала көсөн һалып, ҙур эш башҡарҙы. Шиғырҙы тырышып ятлаған өсөн, ҡыйыулыҡ табып тыңлаусылар алдына сығып телмәр тотҡаны өсөн һәммәһе лә маҡтауға лайыҡ. Нимәһе ҡыуаныслы: башҡорт телендә һөйләшә белмәгән уҡыусылар ҙа үҙҙәре теләп ҡатнаштылар һәм бик матур сығыш яһанылар. Еңеүселәргә өс урын билдәләнек, бүләктәр тапшырҙыҡ. Ҡалған уҡыусыларҙың барыһы ла ҡатнашыу өсөн маҡтау грамоталары һәм кес кенә бүләктәр алып ҡыуандылар. Был сара ҡыҙҙар-егеттәргә оҡшаны, уларҙа сәм уятты. Ҡотлауҙар, изге теләктәр менән конкурсты тамамланыҡ. Киләһе йылдарҙа, алдағы башҡорт телендә үткәреләсәк бәйгеләрҙә ҡатнашыусыларыбыҙ тағы ла артыр, тигән өмөттә ҡалабыҙ.
6-сы класс уҡыусыһы Дәүләткилдин Раянға еткәндәр булманы. Ул 1-се урын яулаусы! 2-се урынға 2-се класс уҡыусыһы Хәсәнова Айгөл сыҡты. 3-сө урын иһә 8-се класс уҡыусыһы Теләүғолова Эвелинаға бирелде.

Фото: https://vk.com/isheevo_school