Ҡәҙерле балалар, уҡыусылар, студенттар! Хөрмәтле педагогтар һәм ата-әсәләр!

1 сентябрҙә муниципаль райондың барлыҡ ҡала һәм ауыл мәктәптәре лә үҙ уҡыусыларын ҡаршылай. Авиация университеты филиалы һәм нефть колледжы, һөнәри колледж һәм тармаҡ-ара колледж филиалы ла үҙ студенттарын ҡабул итәсәк.

Тәүге ҡыңғырауҙан һуң беренсе класс уҡыусыһы өсөн яңы асыштар һәм ҡыҙыҡлы ваҡиғаларға тулы булған яңы тормош башланасаҡ. Сығарылыш кластарҙа белем алыусылар өсөн быйылғы уҡыу йылы һөнәр һайлау һәм артабанғы тормош юлын билдәләүсе йыл булып тора.

Барлыҡ уҡыусыларға белем баҫҡыстарын яулауҙа ныҡышмалылыҡ, ата-әсәләргә именлек һәм балаларының бәхетле киләсәгенә ышаныс, педагогтарға – ижади уңыштар теләйем. Яңы уҡыу йылы һеҙҙең өмөттәрегеҙҙе аҡлаһын һәм яңы белемдәр менән байытһын! Барығыҙға ла ныҡлы һаулыҡ, бәхет һәм именлек юлдаш булһын!

Азамат АБДРАХМАНОВ, Ишембай районы муниципаль районы хакимиәте башлығы.