Еңеүселәр – сәхнә түрендә

25 йыл элек барлыҡҡа килгән был сара йыл һайын әллә күпме уҡытыусыларҙы һөнәри бәйгегә йыя. Быйыл ҡатнашыусылар ҙа, алдарына ҡуйылған төрлө һынауҙарҙы үтеп, бе-лем биреүҙә оҫталыҡтарын күрһәтте.

Сара элекке йылдарҙағы муниципаль, төбәк кимәлендәге конкурстарҙа еңеүселәрҙең, ҡатнашыусыларҙың килеүе менән дә үҙенсәлекле булды. Республика күләмендәге еңеүселәр, призерҙар тәбрикләнеп, уларға рәхмәт һүҙҙәре әйтелде.

Балаларға төплө белем биреү – бер оҫталыҡ булһа, эшеңде күрһәтә белеү – йәнә бер һәләт. Иң юғары баһаға лайыҡ булыусылар, конкурс еңеүселәре алҡыштар менән тәбрикләнде. “Йыл педагогы-2019” номинацияһында 30-сы балалар баҡсаһынан Айгөл Ғайсина еңде, Тимашевка мәктәбенән Гөлназ Хәлиуллина “Башҡорт теле һәм әҙәбиәте йыл уҡытыусыһы - 2019” еңеүсеһе булды, Васильевка мәктәбенән Евгений Васильев “Йәш педагог - 2019”, 16-сы мәктәптән Анна Йәләева ”Йыл уҡытыусыһы - 2019” исемдәренә лайыҡ булды.

Ә бына Әхмәтзәки Вәлиди исемендәге 2-се башҡорт гимназия-интернатының башҡорт теле һәм әҙәбиәте уҡытыусыһы Рифат Әйүпов иң яҡшы белем биреү учреждениеһы уҡытыусыһы булараҡ аҡсалата дәртләндереүгә лайыҡ бул-ды. Шулай уҡ байрамда физик культура һәм спортты үҫтереүгә, сәләмәт тор-мош алып барыуҙы пропагандалауға ҙур өлөш индергән бер төркөм тренер–уҡытыусыларға ла рәхмәт хаттары тапшырылды.

Йәнә бер йылдың уҡытыусылар конкурсы тарихта ҡалды. Ошо изге һөнәрҙе данлаған, ҙурлаған сараның баһаһы ар-табан да шулай күтәрелә генә барһын.