Хужаһы бар

“2012 йылда Ибрай, Иҫәкәй, Һарғай ауылдарынан 37 бала белем алған Иҫәкәй урта мәктәбе, оптимизация шауҡымына эләгеп, ябылып ҡуйҙы. Ҡырҡ йылдан ашыу эшләү дәүерендә был мәктәптән бик күп оло шәхестәр сыҡты, ул гөрләп торған замандарҙы иҫләһәк, күңел әрней. Ауылға ингән тапҡырҙа ғына урынлашҡан мәктәп бинаһы бөгөн ташландыҡ хәлдә тора. Күп нәмә емерелгән, таланған. Уның киләсәгенә бәйле һорау менән район хакимиәтенә лә мөрәжәғәт иткән булды, әммә ниндәйҙер сара күрелеүе тойолмай. Бинаның хужаһы бармы? Ҡасанға тиклем ул ошо хәлдә торор?

Фаяз ҒАЗАЛИЕВ.”

Гәзит уҡыусыбыҙ һорауын асыҡлап китеү һәм яуап табыу өсөн вәкәләтле етәкселәргә мөрәжәғәт иттек. Роберт ИБӘТУЛЛИН, мәғариф бүлеге етәксеһе:

- Иҫәкәй төп дөйөм белем биреү мәктәбе 2011 йылда Маҡар урта мәктәбе филиалы итеп үҙгәртелгәйне. 2012 йылдан иһә ул башланғыс мәктәп булараҡ эшләне.

Мәктәп 1973 йылда төҙөлгән, иҫке ағас бина янғын хәүефһеҙлеге талаптарына яуап бирмәй ине. Бының өсөн Дәүләт янғын надзоры хеҙмәте тарафынан мәғариф бүлегенә күрһәтмә булды. 2015 йылдың февралендә мәктәпте ябырға мәжбүр булдыҡ, ундағы уҡыусыларҙы Маҡар урта дөйөм белем биреү мәктәбенә автобуста йөрөтөү ойошторолдо. Бина Маҡар ауыл Советы ауыл биләмәһе милкенә күсте.

Әлеге көндә Иҫәкәй ауылынан ике бала ҡалалағы 2-се башҡорт гимназия-интернатында 9-сы һәм 11-се кластарҙа белем ала, ә Маҡар мәктәбенә Иҫәкәй, Ибрай, Һарғай ауылдарынан бөтәһе 19 бала йөрөп уҡый.

Әлфир ӘЛМӨХӘМӘТОВ, Маҡар ауыл Советы ауыл биләмәһе хакимиәте башлығы:

- Һорауға үҙем эшләгән осорҙан сығып яуап биргәндә, был йылдарҙа урындағы халыҡтан Иҫәкәй мәктәбе бинаһын арендаға алыу, фай-ҙаланыу буйынса ниндәйҙер ниәт, тәҡдим булманы. Дөйөм майҙаны 352,4 м2 торош иткән мәктәп бинаһы һәм уға ҡараған ер участкаһы ҡануниәткә ярашлы процедураларҙан һуң 2018 йылдың 6 декабрендә “Һарғай” ауыл хужалығы кооперативына 5 йылға арендаға бирелде. Кооператив идаралығын Һарғай ауылынан Вәлитов Фәрүр Мансур улы етәкләй. Арендатор был бинаны ит эшкәртеү буйынса цех булараҡ файҙаланмаҡсы.

Фото: pixabay.com

Читайте нас:

Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.

Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.

Телефон

8(34794) 2-68-45

Электрон почта

[email protected]

Адресы

453200, город Ишимбай, ул. Советская, 88

Реклама хеҙмәте

8(34794) 4-11-22, 8-917-45-44-640

Редакция

8(34794) 2-68-45

Ҡабул итеү бүлмәһе

8(34794) 3-22-75

Хеҙмәттәшлек

8(34794) 3-22-75