+7 °С
Ямғыр
Бөтә яңылыҡтар
Мәғариф
14 Декабрь 2018, 02:00
Милләт йөҙө – аҫыл йәштәребеҙ
Туған телебеҙгә һәр яҡлап иғтибарҙы йүнәлткән көн билдәләнгәндә, шәп яңылыҡ алып, үҙебеҙҙең йәштәр өсөн тағы бер ғорурландыҡ. Әхмәтзәки Вәлиди исемендәге 2-се башҡорт гимназия-интернаты уҡыусылары Гөлназ Ильясова менән Гөлсәсәк Шәрипова башҡорт телендә дебаттар буйынса “Аҫылташ” республика чемпионатынан 1-се урын яулап ҡайтты!
14 декабрь - Башҡорт теле көнө
Туған телебеҙгә һәр яҡлап иғтибарҙы йүнәлткән көн билдәләнгәндә, шәп яңылыҡ алып, үҙебеҙҙең йәштәр өсөн тағы бер ғорурландыҡ. Әхмәтзәки Вәлиди исемендәге 2-се башҡорт гимназия-интернаты уҡыусылары Гөлназ Ильясова менән Гөлсәсәк Шәрипова башҡорт телендә дебаттар буйынса “Аҫылташ” республика чемпионатынан 1-се урын яулап ҡайтты!
Башҡорт йәштәре үҙ фекерҙәрен туған телендә белдерергә теләй. Быйыл Йәштәр эштәре буйынса федераль агентлыҡ ойошторған йәштәр проекттары конкурсында еңеп сыҡҡан “Башҡорт телендә дебаттар буйынса чемпионат” проекты тап ошо идея нигеҙендә тыуған да инде.
- Туған телебеҙҙе көнкүреш кимәлендә генә ҡулланыу менән сикләнеү, милли мәҙәни саралар теле булараҡ ҡына ҡабул итеү булмаҫҡа тейеш. Беҙгә – бөгөнгө йәштәргә шуны аңлау мөһим, - ти конкурста тел байлығы, төплө сәйәсмәндәргә хас дәлилдәре менән һоҡландырған ҡыҙҙар. - “Вәлиди вариҫтары” командаһы исеме аҫтында сығыш яһап, еңелеп торһаҡ, беҙҙе аңламаҫтар ине!
Жюрила Люциә Юлыева, Байрас Азаматов, Заһир Тимерйәнов, Ғәйнислам Атанғолов кеүек республикала йәштәр хәрәкәте башында йөрөүселәр булыуы уның әһәмиәтен, маҡсаттарын аңларға ярҙам итә – йәштәребеҙ ҡыйыу, белемле булһын, туған телен ҙур майҙандарҙа, яуаплы даирәләрҙә лайыҡлы күрһәтә белһен!
Быйыл икенсегә үткән чемпионат тәртибе буйынса тәүҙә һайлап алыу этаптары ойошторола. Әйткәндәй, студенттарҙан тупланған командалар араһында беҙҙең ҡыҙҙар берҙән-бер мәктәп уҡыусылары була.
- Бында юғалып ҡалмаҫҡа, оппоненттарыңа саф башҡорт телендә лайыҡлы яуап бирергә кәрәк ине. Дингә, интернет селтәренән яуған мәғлүмәткә, һайлау хоҡуғына бәйле белемдәр, үҙ фекерең булыу талап ителде. Финалға дүрт команда үткәйнек, беҙҙең сығыштар БДУ, Рәми Ғарипов исемендәге 1-се гимназия командаларынан юғарыраҡ баһаланды, - ти Гөлназ ғорурлығын йәшермәй.
Үҙҙәренә ышаныстары артып, 5-се кластан белем алған гимназияларына тағы ла нығыраҡ рәхмәтле булып ҡайтҡан ҡыҙҙар. Сәйәсмән дә булырға йыйынмайҙар, Гөлсәсәкте хоҡуҡи белемдәр, сит телдәр ҡыҙыҡһындырһа, Гөлназ киләсәген химия менән бәйләргә йыйына. Һөнәрҙең ниндәйен һайлаһалар ҙа юғалып ҡалмаясаҡ улар. Шуны ышаныслы әйтергә була: милләт йөҙөн данлар шәхестәр ошондай рухлы ҡыҙҙар, егеттәрҙән үҫә.
Фото: автор.
Читайте нас:
© 2024 Сайт общественно-политической газеты «Торатау» города Ишимбая и Ишимбайского района
Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.
Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.
Телефон
8(34794) 2-68-45
Электрон почта
Адресы
453200, город Ишимбай, ул. Советская, 88
Реклама хеҙмәте
8(34794) 4-11-22, 8-917-45-44-640
Редакция
8(34794) 2-68-45
Ҡабул итеү бүлмәһе
8(34794) 3-22-75
Хеҙмәттәшлек
8(34794) 3-22-75