-4 °С
Болотло
Бөтә яңылыҡтар
Мәғариф
17 Октябрь 2018, 02:00
“ЕҢЕҮЕМДЕ ӘСӘЙЕМ РУХЫНА БАҒЫШЛАНЫМ”
“Башҡортостан Республикаһының иң яҡшы педагогтар династияһы” республика конкурсында Ишембай нефть колледжы уҡытыусыһы Фирҙәүес ӘҺЛИУЛЛИНА Гран-при яуланы!
“Башҡортостан Республикаһының иң яҡшы педагогтар династияһы” республика конкурсында Ишембай нефть колледжы уҡытыусыһы Фирҙәүес ӘҺЛИУЛЛИНА Гран-при яуланы!
Мифтахетдин Аҡмулла исемендәге Башҡорт дәүләт педагогия университетында ойошторолған мәртәбәле бәйгелә Фирҙәүес Хөснулла ҡыҙы үҙенең ике яҡлап олатаһы һәм өләсәһе - Ғәбиҙә менән Рәхмәтулла Шәнгәрәевтар һәм Вазифа менән Әмирхан Хәмиҙуллиндарҙан тарбаҡланыпкиткән уҡытыусылар династияһы, туғандары данын ғына түгел, ә ошондай көслө ғаиләләргә таяна алған Ишембай мәғарифын да ҙурланы.
Республикабыҙҙың Мәғариф министрлығы ҡатнашлығында үткәрелгән конкурста 70-тән ашыу уҡытыусылар династияһы вәкиле ҡатнаша. Республика мәғарифы үҫешенә күп йылдар дауамында һалынған намыҫлы хеҙмәттең йәмәғәттарафынан танылыуы, ҡатнашыусыларҙың бөгөн ошо яуаплы һөнәрҙе һайлаған йәштәргә өлгө булып тороуы - конкурстың төп асылы.
- Уҡытыусылыҡ юлын һайлағандан бирле бик күп конкурстарҙа ҡатнашырға, һынауҙарҙың төрлөһөн үтергә тура килде. Әммә был конкурс тәү сиратта туғандарым, үҙҙәрен уҡытыусылыҡ эшенә арнаған быуындарым алдында ҙур яуаплылыҡ ине, - ти Башҡортостан Республикаһының атҡаҙанған уҡытыусыһы Фирҙәүес Әһлиуллина. - Конкурста ҡатнашыуға әсәйемдең, 7 бала үҫтергән Сабира Әмирхан ҡыҙының, яҡты рухын ҙурлау ниәтенән йөрьәт иттем. Быйыл уға 90 йәш тулған булыр ине. Бөтәһе 1089 йыл уҡытыусылыҡ стажы булған династиябыҙға өс быуын вәкилдәре ҡарай. Эйе, арабыҙҙа нефтселәр ҙә, данлы умартасылар ҙа, алтын ҡуллы оҫталар ҙа бар. Әммә иң күбе – уҡытыусылар. Абруйлы жюри конкурсҡа әҙерләгән презентациям йөкмәткеһен, уҡытыусы туғандарым хаҡында хисләнеп, ғорурланып һөйләүемде билдәләмәй ҡалманы. Әлбиттә, был еңеү – күмәк нәҫел, туғандар ҡаҙанышы. Фирҙәүес Хөснулла ҡыҙы ҙур ышаныс күрһәткән коллективына, атап әйткәндә колледж уҡытыусылары Алексей Шульгинға, Галина Смолинаға тәрән рәхмәтле.
37 йыл хеҙмәт емеше генә түгел, ә тотош нәҫеленең ҡаҙанышы булған конкурс эшен ҡулға алам. Һоҡланғыс уҡытыусы эргәлә генә Мифтахетдин Аҡмулланың шиғырын яңғыратҡандай:
- Ышанам – уҡытыусылар династияһы Шәнгәрәевтар-Хәмиҙуллиндар юлы дауам ителәсәк, был эшемә инде ейән-ейәнсәрҙәр яңы биттәр өҫтәйәсәк!
Фото: Фирҙәүес Әһлиуллина архивынан.
Читайте нас:
© 2024 Сайт общественно-политической газеты «Торатау» города Ишимбая и Ишимбайского района
Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.
Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.
Телефон
8(34794) 2-68-45
Электрон почта
Адресы
453200, город Ишимбай, ул. Советская, 88
Реклама хеҙмәте
8(34794) 4-11-22, 8-917-45-44-640
Редакция
8(34794) 2-68-45
Ҡабул итеү бүлмәһе
8(34794) 3-22-75
Хеҙмәттәшлек
8(34794) 3-22-75