Мәктәптәрҙә һуңғы ҡыңғырау яңғыраны

Район һәм ҡала мәктәптәрендә быйыл ун беренсене - 361 һәм туғыҙынсы класты 994 уҡыусы тамамланы.

Район һәм ҡала мәктәптәрендә быйыл ун беренсене - 361 һәм туғыҙынсы класты 994 уҡыусы тамамланы. Ә. Вәлиди исемендәге 2-се башҡорт гимназия-интернатының сығарылыш класс уҡыусыларында ла Һуңғы ҡыңғырау тантанаһы ғүмерлек кисерештәр ҡалдырҙы.

Быйыл бында ун беренсене 52 уҡыусы тамамланы. Район буйынса өлгөлө уҡыған 60-тан ашыу ҡыҙ һәм егет миҙалға дәғүә итһә, уларҙың унауһы гимназия уҡыусыларына тура килә. Оло тормош юлына аяҡ баҫырға торған йәштәрҙе район хакимиәте башлығының социаль мәсьәләләр буйынса урынбаҫары вазифаһын башҡарыусы Гөлфиә Ғүмәрова ла ҡотлап үтте. Гөлфиә Сынтимер ҡыҙы өсөн икеләтә тулҡынландырғыс ине был көн. Тантанаға ул бынан 11 йыл элек мәктәп тупһаһы аша атлаған 1Б класының беренсе уҡытыусыһы булараҡ та саҡырылғайны.

- Алда яуаплы осор - дәүләт имтихандары, барығыҙға ла уңыштар, түҙемлек теләйем. Үҙ юлығыҙҙы табып, һөнәрле ҙур кешеләр булғанда ла туған мәктәп, тыуған ер һеҙҙе үҙенә тартып торор, тип ышанам. Ата-әсәләрегеҙ, уҡытыусыларығыҙ бөгөн һеҙҙән нығыраҡ тулҡынлана, һеҙгә ҙур ышаныс бағлай. Изге хыялдарығыҙҙан тайпылмағыҙ, ҡыйыу, илһөйәр булығыҙ, - тине Гөлфиә Сынтимер ҡыҙы сығарылыш уҡыусыларына аҡ юл теләп. Ата-әсәләрҙең, балаларҙың рәхмәт һүҙҙәренә изге теләктәр үрелде, ошо йылдар дауамында оҙата килгән йырҙар күңелдәге иңнескә ҡылдарҙы тибрәтте.

Тантананан һуң гимназистар мәктәптең изге йолаһын атҡарҙы, ямғыр яуып тороуы ла Торатауға сәфәрҙән туҡтатманы. Изге тау итәгендә ант биргән йәштәргә рух ныҡлығы теләйбеҙ, еребеҙгә файҙалы, иманлы кешеләрбулығыҙ.

Ошо уҡ теләкте барлыҡ сығарылыш класс уҡыусыларына юллайбыҙ, ауылдарҙан Һуңғы ҡыңғырау тантанаһынан килгән фотолар менән “Торатау” гәзитенең Бәйләнештә социаль селтәрендәге төркөмөндә https://vk.com/gazeta_toratay һәм rbsmi.ru/gazeta-toratau/ сайтында уртаҡлаша барабыҙ. Ә әлегә бар көстө, белемде имтихандарҙы уңышлы биреүгә йүнәлтәйек - бөгөн туғыҙынсылар рус теленән имтихан бирә, иртәгә ун беренселәрҙе математиканан дәүләт һынауы көтә. Барығыҙғала уңыштар!

Фото: автор.

Читайте нас:

Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.

Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.

Телефон

8(34794) 2-68-45

Электрон почта

[email protected]

Адресы

453200, город Ишимбай, ул. Советская, 88

Реклама хеҙмәте

8(34794) 4-11-22, 8-917-45-44-640

Редакция

8(34794) 2-68-45

Ҡабул итеү бүлмәһе

8(34794) 3-22-75

Хеҙмәттәшлек

8(34794) 3-22-75