Әкиәт уйнап үҫә балалар

Балаларыбыҙ туған телендә әкиәт һөйләйме? Ә беҙ уларға? Был йәһәттән Әхмәтзәки Вәлиди исемендәге 2-се башҡорт гимназия- интернатының балалар баҡсаһы бәләкәстәре һөйөндөрә.

Балаларыбыҙ туған телендә әкиәт һөйләйме? Ә беҙ уларға? Был йәһәттән Әхмәтзәки Вәлиди исемендәге 2-се башҡорт гимназия- интернатының балалар баҡсаһы бәләкәстәре һөйөндөрә. Ошо көндәрҙә баҡсала «Кемдең күлдәге матур?» башҡорт халыҡ әкиәте сәхнәләштерелде.

Бөтәһе 120 бала йөрөгән мәктәпкәсә тәрбиә һәм белем биреү учреждениеһы өсөн бындай саралар ғәҙәти күренеш.

- Туған телмәр мөхитендә үҫкән балалар өсөн ролдәрҙе башҡортса уйнау ҡыйынлыҡ тыуҙырмай. Ата-әсәләр ҙә ярҙамға килергә тора, баҡсала өйрәнгәнде өйҙә нығытыу кәрәк икәнен аңлайҙар, - ти театр түңәрәге етәксеһе Вәсилә Хөсәйенова. – Сәхнәләштерелгән күренештәрҙе балалар күңелдәре аша үткәреп ҡабул итә, ә әкиәттәрҙә халыҡ тәрбиәһе көслө. Улар шулай уйнай-уйнай әхлаҡ нигеҙҙәренә өйрәнә, тиҫтерҙәре алдында сығыш яһау ҙа күңелдәрен үҫтерә.

Балалар ролдәренә ярашлы

ҡупшы кейенгән, ә телмәрҙәре

күңелдәргә танһыҡ. Ҡала

балаларының рәхәтләнеп

башҡортса спектаклдәр уйнауын көн дә күрмәйбеҙ шул.

Әйткәндәй, гимназияның

мәктәпкәсә төркөмө муниципаль конкурстарҙың да

төрлөһөндә ҡатнашып килә.

Әле бында “Тамырым” поэтик фестиваленең беренсе этабына әҙерлек барыуын

белдек, апрель аҙаҡтарында

ата-әсәләр менән бергә

“Кәкүк сәйе” йолаһын курһәтеү

ниәттәре бар. Баҡсала театр

оҫталығынан тыш бейеү, вокал, башҡорт фольклоры, ҡом

анимацияһы, шашка, ваҡ моториканы, конструкторлыҡ

һәләтен үҫтереүсе түңәрәктәр

уңышлы эшләп килә. Уларҙың

өҫтәмә түләүһеҙ ойошторолоуын да баһаламай булмай.

Әкиәт ҡуйғанда балалар ошо

бар өйрәнгәндәрен эшкә ҡуша

ла инде. Тағы төрлөһө булыр әкиәттәрҙең, иң мөһиме

– йәш быуын кескәй йәштән

үҙҙәре өсөн халҡыбыҙҙың тел

байлығын аса, ә быны күңелдәр

туған телмәрҙән, моңдан

бикләнмәҫ борон эшләп ҡалыу

кәрәк.

Читайте нас:

Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.

Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.

Телефон

8(34794) 2-68-45

Электрон почта

[email protected]

Адресы

453200, город Ишимбай, ул. Советская, 88

Реклама хеҙмәте

8(34794) 4-11-22, 8-917-45-44-640

Редакция

8(34794) 2-68-45

Ҡабул итеү бүлмәһе

8(34794) 3-22-75

Хеҙмәттәшлек

8(34794) 3-22-75