Шиғыр ятлай балалар

Танылған балалар яҙыусылары Самуил Маршактың 130 йыллығы һәм Астрид Линдгрендың 110 йыллығына бағышланған “Яратҡан әкиәттәр” шиғыр уҡыусылар конкурсы еңеүселәре билдәләнде.

Мәҙәниәт бүлеге тарафынан иғлан ителгән әҙәби конкурс шарттарына ярашлы, балалар авторҙарҙың әҫәрен яттан һөйләп видеояҙма һалырға тейеш ине. Һәләтле балаларҙы, дәртле ата-әсәләрҙе, тотош класты “ҡуҙғатҡан”, Кинйәбулат, Маҡар, Сәлих, Тимашевка, Верхотор уҡыусылары ла ҡушылған матур сара һөҙөмтәлә 4 йәштән 10 йәшкәсә 24 ҡатнашыусыны йыйҙы. Кисә мәҙәниәт, әҙәбиәт өлкәһендә эшләүсе белгестәрҙән торған мәртәбәле жюри еңеүселәрҙе асыҡланы. Жюри ағзалары бер юлы ун бишләгән баланы йәлеп иткән 33-сө балалар баҡсаһы төркөмөн айырым бүләк менән билдәләп үтте. Ғөмүмән, кескәй күңелдәрҙә сәм, маҡсат, китапҡа һөйөү уятҡан конкурста еңелеүселәр булманы тиергә мөмкин.

Фото: https://vk.com/event158553008