Ишембайҙа ир магазинда бер ханымдың сумкаһын урлаған. Унда аҡса, телефон һәм банк картаһы ятҡан. Иҫәптән аҡсаһы юғалғас, ханым полицияға йүгергән.
Бурҙы табыу ауырлыҡ тыуҙырмаған - ул банкомат аша үҙенең иҫәбенә аҡса күсергән һәм сәскә магазинына киткән. Унан «Ромео» 51 рауза һәм 6 меңлек хәтфә айыу тотоп сыҡҡан. Тик бына һөйгәнен бүләктәр менән шатландырып өлгөрмәгән - уны магазиндан сыҡҡан саҡта тотҡандар.
Урлаған, тотонған, төрмәгә - романтика!