Бөтәһе 50-нән ашыу бала ҡатнашты, уларҙан 35 бала - 2-се «Аҡтайлаҡ» башҡорт гимназияһының уҡсылар клубы тәрбиәләнеүселәре, ҡалғандары Стәрлетамаҡ ҡалаһынан һәм Федоровка районынан.
«Аҡтайлаҡ» түңәрәге етәксеһе Зөһрә Кинйәбаева һүҙҙәренсә, балалар ҙур теләк менән шөғөлләнә, уларҙың һәр береһенең үҙ уҡ-йәйәләре бар. Командаға гимназия етәкселеге, бағыусылар һәм ата-әсәләр ҙур ярҙам күрһәтә.
Быйыл “Юрматы мәргәне” ярышы тәүгә ойошторолдо, киләсәктә уны республика кимәленә сығарыу күҙаллана.
Автор фотолары һәм видеоһы