+24 °С
Ямғыр
Спорт
10 Октябрь 2022, 10:00
Ҡыйыуҙар ҙа, көслөләр ҙә!
Өфөлә Башҡортостан Республикаһының атҡаҙанған физик культура хеҙмәткәре Гулус Әғзәмов иҫтәлегенә милли һәм халыҡ спорт төрҙәре буйынса XIX республика фестивале уҙҙы. Гер спорты буйынса Ишембай районы командаһы үҙен лайыҡлы күрһәтеп, икенсе урын яуланы.
Ҡыйыуҙар ҙа, көслөләр ҙә!
42-се янғын-ҡотҡарыу бүлеге хеҙмәткәрҙәре лә йыйылма команда иҫәбендә Ишембай данын яҡланы. Янғын һүндереү машинаһын йөрөтөү буйынса өлкән инструктор Андрей Слапогузов 70 килограмға тиклемге ауырлыҡ категорияһында шәхси иҫәптә - икенсе, ҡарауыл начальнигы Николай Николаев 90 килограмдан артыҡ ауырлыҡ категорияһында өсөнсө урын яуланы. Йәнә бер бронза миҙалды өлкән янғын һүндереүсе Артур Ғилметдинов алды.
- Барлыҡ хеҙмәткәрҙәребеҙ ҙә төп бурысты яуаплы үтәне. Улар район, республика кимәлендә ойошторолған ярыштарҙа теләп ҡатнаша. Район исеменән гер спорты буйынса ярышта ҡатнашыусы егеттәребеҙҙе башҡаларға өлгө итеп ҡуйырлыҡ: эшсән, белемле, көслө, сәләмәт тормош алып бара улар, - тип уртаҡлашты 42-се янғын-ҡотҡарыу бүлеге начальнигы Рөстәм Әлибаев.
Бына ошондай ҡыйыу ҙа, яҡшы физик әҙерлекле лә янғын һүндереүселәр һаҡлай ишембайҙарҙы ут ялҡынынан!
Фото 42-се янғын-ҡотҡарыу бүлеге архивынан.
Ҡыйыуҙар ҙа, көслөләр ҙә!
